Spynienaje rasśledavańnie kryminalnaj spravy ŭ dačynieńni da byłoha mera Połacka Uładzimira Tačyły, a taksama šerahu słužbovych asobaŭ horada i rajona.Ab hetym siońnia žurnalistam paviedamiŭ načalnik adździeła pracesualnaha kantrolu za rasśledavańniem złačynstvaŭ ab karupcyi i suprać intaresaŭ słužby Hałoŭnaha ŭpraŭleńnia pracesualnaha kantrolu Śledčaha kamiteta Biełarusi Dźmitryj Varabjoŭ.
«Zavieršana rasśledavańnie kryminalnaj spravy ŭ dačynieńni da byłoha staršyni Połackaha harvykankama Tačyła, byłoha staršyni Połackaha rajonnaha vykankama Palidaŭca, a taksama jašče troch słužbovych asobaŭ. Im było pradjaŭlena abvinavačvańnie pa č.3 art.424 i č.2 art.344 KK Biełarusi. Jany abvinavačvalisia u tym, što płanavali budaŭnictva pryvatnych damoŭ u łandšaftnaj zonie Połackaha sabora», — adznačyŭ Dźmitryj Varabjoŭ.
Jon raspavioŭ, što abvinavačanyja całkam spłacili naniesienuju škodu, a taksama napisali prašeńnie ab vyzvaleńni ich ad kryminalnaj adkaznaści i spynieńnia rasśledavańnia na imia prezidenta Biełarusi.Ich prašeńnie było zadavolena.
Kamientary