Śnieh, zavirucha, viecier i maroz: na hetym tydni zachavajecca zimovaje nadvorje

Na hetym tydni ŭ Biełarusi zachavajecca zimovaje nadvorje, paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ padčas videabryfinhu 11 sakavika.

«Nas čakaje śnieh, zavieja, paryvisty viecier i maroz», — skazaŭ Rabaŭ.

U aŭtorak nadvorje buduć vyznačać atmaśfiernyja franty z Paŭdniova-Zachodniaj Jeŭropy, tamu na bolšaj častcy terytoryi Biełarusi čakajecca śnieh, na asobnych učastkach daroh hałalodzica. Tempieratura pavietra nočču minus 7–12°S, pa poŭnačy Viciebskaj vobłaści da minus 14–17°S, u paŭdniovych rajonach Biełarusi minus 1–6°S. Maksimalnaja dniom minus 2–7°S, na paŭdniovym zachadzie kala 0°S.

U sieradu na bolšaj častcy terytoryi krainy čakajecca karotkačasovy śnieh, na asobnych učastkach daroh hałalodzica. Tempieratura nočču minus 4–10°S, pa paŭnočnym zachadzie pry prajaśnieńniach da minus 13°S, u paŭdniovych rajonach minus 1–3°S. Maksimalnaja tempieratura dniom 0°S — minus 6°S.

U čaćvier nočču pa paŭdniovym uschodzie, a dniom i ŭ centralnych rajonach karotkačasovy śnieh i mokry śnieh, na asobnych učastkach daroh hałalodzica. Tempieratura pavietra nočču minus 4–10°S, pa paŭnočnym zachadzie da minus 12–18°S. Maksimalnaja dniom minus 1–7°S, pa paŭdniovym uschodzie nočču minus 1- 3°S. Dniom plus 1–3°S.

U piatnicu i subotu čakajucca składanyja ŭmovy nadvorja. U piatnicu na bolšaj častcy terytoryi Biełarusi projdzie śnieh, mokry śnieh, miescami mocnyja śniehapady, pa paŭdniovym uschodzie mokry śnieh z daždžom, hałalod. U šmatlikich rajonach čakajecca zavieja i ŭzmacnieńnie vietru z paryvami da 15–22 m/s. Tempieratura pavietra na praciahu sutak minus 2–8°S, nočču pa paŭnočnym zachadzie pry prajaśnieńniach da minus 10–15°S, u paŭdniova-ŭschodnich rajonach nočču kala 0°S, dniom minus 2 — plus 5°S.

U subotu nočču na ŭsioj terytoryi, a dniom pa paŭdniova-ŭschodniaj pałovie krainy śnieh, mokry śnieh, zavieja, uzmacnieńnie vietru z paryvami da 15–22 m/s, na darohach hałalodzica. Tempieratura pavietra nočču minus 10–16°S, pa paŭnočnym zachadzie pry prajaśnieńniach da minus 18°S, pa paŭdniovym uschodzie budzie krychu ciaplej: minus 5–9°S, dniom minus 3–9°S.

U niadzielu čakajecca ŭzmacnieńnie marazoŭ. Nočču minus 12–17°S, pry prajaśnieńniach minus 20–23°S. Maksimalnaja tempieratura dniom minus 3–9°S. Pry hetym čakajecca pieravažna biez apadkaŭ, tolki miescami pa ŭschodzie karotkačasovy śnieh.

• 0
• 0
• 0
• 0
• 0
• 0
• 0
• 0