Litoŭskija supolnaści pradprymalnikaŭ, hramadckija lidary siońnia zajavili, što zabojstva 6 sakavika Ramana Vajnickaha, jakoje adbyłosia adnačasova z šeraham napadaŭ na inšych viadomych ludziej u Litvie, moža być pakaźnikam aktyvizacyi arhanizavanych złačynnych hrupovak i što sytuacyja nahadvaje pieršaje dziesiacihodździe niezaležnaści Litvy, kali ŭ krainie lutavali kryminalnyja hrupoŭki.
U časie siońniašniaj pres-kanfierencyi ŭ infarmacyjnym ahienctvie BNS jaje udzielniki zajavili, što niekalki napadaŭ na viadomych u Litvie ludziej, jakija adbylisia ciaham apošniaha tydnia, mohuć być źviazanymi miž saboj. 10 sakavika ŭviečary u Kaŭnasie byŭ žorstka źbity viadomy finansist, były prezident Litoŭskaj fiederacyi futboła Lutaŭras Varanavičus. U toj ža čas byŭ napad na žurnalista haziety z najbolšym nakładam u Litvie, «Lietuvos rytas», Łukasa Pileckasa.
Na pres-kanfierencyi vystupili hienieralny dyrektar Litoŭskaj kanfiederacyi pracadaŭcaŭ-pradprymalnikaŭ Danas Arłaŭskas, prezident Nacyjanalnaha ahienctva ahrapramysłovaha biznesu Hintaŭtas Babravičus, pres-pradstaŭnik Litoŭskaj mužčynskaj baskietbolnaj zbornaj Linas Kunihialis i advakat Vicianis Dzieharajcis. «Niaŭžo my viartajemsia u ciomnyja časy "Vilenskaj bryhady", da časoŭ "daktarasa" [złačynnaja hrupoŭka ŭ Litvie 1990-ch]?!...»
Litoŭskija hramadskija lidary i pradprymalniki zaklikali da rašučych zachadaŭ suprać złačynstvaŭ, mahčyma źviazanych z adnaŭleńniem aktyŭnaści arhanizavanych złačynnych hrupovak kab praduchilić mahčymyja novyja, jašče bolš maštabnyja, trahiedyi.
Pravaachoŭnyja orhany Litvy pravodziać rasśledavańni i pakul admaŭlajucca kamientavać situacyju.
Kamientary