Baranavicki harvykankam admoviŭ hramadskamu aktyvistu Viktaru Syrycy ŭ praviadzieńni pikieta z nahody95-ch uhodkaŭ abviaščeńnia niezaoležnaści BNR.
20 sakavika Syryca atrymaŭ list za podpisam namieśnika staršyni Baranavickaha harvykankama Dźmitryja Kaściukieviča. U im paviedamlajecca, što harvykankam nie daje zhody na praviadzieńnie pikieta 25 sakavika, bo ličyć, što zajaŭnik parušyŭ art. 5 Zakona RB «Ab masavych mierapryjemstvach» i punkt 4 rašeńnia Baranavickaha harvykankama ad «Ab paradku praviadzieńnia masavych mierapryjemstvaŭ u h. Baranavičy.
U liście harvykankama tradycyjna nie paviedamlajecca, što kankretna parušyŭ zajaŭnik, ale prapanujecca, u vypadku niazhody z takim rašeńniem, źviartacca ŭ Brescki abłvykankam ci ŭ sud Baranavickaha rajona i horada Baranavičy.
«U mianie vielmi chutka atrymałasia zaklučyć damovy z haradskoj paliklinikaj i ŽKH, a voś haradskaja milicyja adkazu nie dała, choć ja dvojčy asabista chadziŭ tudy i rehistravaŭ svaju zajavu. Atrymlivajecca, što majo kanstytucyjnaje prava na svabodu schodaŭ, mitynhaŭ, pikietaŭ zaležyć ad voli i žadańniaŭ maleńkaha čynoŭnika», — adznačyŭ Viktar Syryca.Jak miarkuje sam Viktar Syryca, padstavaj dla takoho rašeńnia stała toje, što jon nie zaklučyŭ damovu z Baranavickim HAUS ab achovie hramadskaha paradku.
Kamientary