Ukraina časova zabaraniła ŭvoz ź Biełarusi śvininy, a taksama miasa žyviołaŭ, adčuvalnych da zachvorvańnia afrykanskaj čumoj, pradukcyi i syraviny ź ich. Adpaviednaje paviedamleńnie źjaviłasia 7 maja na sajcie Dziaržaŭnaj vieterynarnaj i fitasanitarnaj słužby Ukrainy.
«U suviazi sa źjaŭleńniem u srodkach masavaj infarmacyi paviedamleńniaŭ ab hibieli žyvioł u Baranavickim rajonie Respubliki Biełaruś i padazreńniem uźniknieńnia afrykanskaj čumy śviniej, rasparadžeńniem namieśnika hałoŭnaha dziaržaŭnaha inśpiektara vieterynarnaj miedycyny časova zabaraniajecca ŭvoz z hetaj krainy va Ukrainu adčuvalnych da hetaha zachvorvańnia žyvioł, pradukcyi i syraviny ź ich», — havorycca ŭ paviedamleńni.
Nahadajem, što ŭ pačatku miesiaca ŭ presie źjavilisia paviedamleńni pra masavy mor śviniej na śvinakompleksie «Uschodni», što ŭ Baranavickim rajonie Bresckaj vobłaści.
Źviestki, atrymanyja žurnalistami ad miascovych žycharoŭ i čynoŭnikaŭ, adroźnivalisia. Pavodle aficyjnaj viersii, ničoha nadzvyčajnaha na kompleksie nie adbyvajecca. Miascovyja žychary, a taksama šarahovyja supracoŭniki «Uschodniaha» śćviardžajuć pra hibiel tysiač hałoŭ śviniej.
U lutym 2012 hoda na Hrodzienščynie byŭ praviedzieny masavy zaboj śviniej, jaki potym patłumačyli vučeńniami pa baraćbie z afrykanskaj čumoj.
-
Naradžajecca mienš dziaciej, bo prablemaj stała začać. Voś što vyjavili apošnija daśledavańni, asabliva mužčynskaha zdaroŭja
-
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju
-
Lepš za lubyja kryžavanki. Dohlad unukaŭ ratuje mozh babul i dziadul ad stareńnia
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary