Alaksandr Łukašenka abjaviŭ vymovu namieśniku premjer-ministra Anatolu Kalininu i byłomu ministru kultury, nadzvyčajnamu i paŭnamocnamu pasłu Biełarusi ŭ Francyi Paŭłu Łatušku.
Jak paviedamlaje pres-słužba, vymovy čynoŭnikam abvieščanyja «za niepryniaćcie naležnych mier pa vykanańni daručeńniaŭ kiraŭnika dziaržavy ab rekanstrukcyi i restaŭracyi budynka Nacyjanalnaha akademičnaha teatra imia Janki Kupały, što paciahnuła pavieličeńnie terminaŭ uvodu abjekta ŭ ekspłuatacyju i parušeńni ŭ vykarystańni biudžetnych srodkaŭ».
Nacyjanalny akademičny teatr imia Janki Kupały adkryŭsia paśla rekanstrukcyi 29 sakavika 2013 hoda. Rekanstrukcyja viałasia z 2010 hoda i, jak mierkavałasia, pavinna była viarnuć teatru histaryčnaje abličča. U vyniku adnaŭlenčych rabot byli demantavanyja padłohi, usio apornyja i aharadžalnyja kanstrukcyi budynka, a taksama prybudovy. Padmurak i ścieny teatra ŭzmacnili. Hałoŭnaja scena zahłyblena na čatyry mietry, ale pamienšyłasia kolkaść miescaŭ u hladzielnaj zale - z 500 da 360. Źjavilisia try abnoŭlenyja repietycyjnyja zały, adna ź jakich roŭnaja asnoŭnaj scenie.
Ciapier čytajuć
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ5
Kamientary