Nacyjanalnaja zbornaja Biełarusi pa futbole praviała tavaryskuju sustreču ź Japonijaj. Matč adbyŭsia ŭ Žodzina. Rańni pačatak tłumačycca tym, kab tranślacyja hulni pajšła na japonskija vyspy. Tamu mnoha zaŭziataraŭ asabista pahladzieć hulniu nie zmahli.
Japonija ŭžo vyjšła na čempijanat śvietu pa futbole-2014 u Braziliju. Ciapier jany pravodziać tavarniaki. U piatnicu sastupili Sierbii – 0:2. Paśla čaho prylacieli ŭ Minsk.
U składzie japoncaŭ bahata hulcoŭ, jakija vystupajuć u najmacniejšych jeŭrapiejskich čempijanatach. Čaho chacia b varty Sindzi Kahava z «Mančester Junajted», ci Juta Nahatoma ź italjanskaha «Intara». U biełarusaŭ ža ŭsie vystupajuć ci ŭ nacyjanalnym čempijanacie ci ŭ Rasii.
Što tyčycca hulni, to momanty ŭźnikali i la tych, i la inšych varot. Niaredka tolki vyklučnaje majsterstva bramnika Siarhieja Vieramko vyratoŭvali biełarusaŭ ad biady.
Adziny hoł byŭ zabity naprykancy pieršaha tajma. Zaciahnutaja ataka biełarusaŭ skončyłasia tym, što Cimoch Kałačoŭ skinuŭ miač pad udar Janu Ciharavu. Chaj i dapamoh krychu rykašet, ale ŭdar vyjšaŭ fantastyčna pryhožym. U Ciharava heta pieršy hoł za zbornuju.
U druhoj pałovie biełarusy ŭsio ž upeŭniena kantralavali hulniu i nie dazvalali «sinim samurajam» realna pahražać svaim varotam.
Siońnia viečaram jašče šmat futbołu. U Jeŭropie buduć vyznačacca zbornyja, jakija trapiać na čempijanat śvietu ŭ Braziliju naŭprost, a chto praz płej-of. Pryjemnaha prahladu.
Kamientary