Life:) prakamientavaŭ situacyju sa źniknieńniem srodkaŭ z rachunkaŭ niekatorych abanientaŭ
Mabilny apieratar life:) prakamientavaŭ situacyju sa źniknieńniem srodkaŭ z rachunkaŭ niekatorych abanientaŭ kampanii.
«Mabilny apieratar life:) infarmuje, što na praciahu ŭžo niekalkich tydniaŭ, z kanca listapada, prachodzić ukaranieńnie novaj sistemy bilinhu, i, adpaviedna, pastupovy pieravod na jaje abanientaŭ», — paviedamili ŭ kampanii «Biełaruskaja sietka telekamunikacyj» (life:)).
Novaja sistema bilinhu dazvolić, jak minimum: bolš dakładny i prosty ŭlik raschodaŭ na pasłuhi suviazi, u tym liku, naprykład, infarmavańnie abanientaŭ pra nabližeńnie bałansu ich rachunkaŭ da krytyčnych značeńniaŭ; uvod šerahu novych vysokatechnałahičnych i zručnych pasłuh, praca jakich na staroj sistemie bilinhu była prosta niemahčymaja; u najbližejšaj pierśpiektyvie — prykmietnaje spraščeńnie i pašyreńnie sposabaŭ apłaty za pasłuhi suviazi life:).
Jak padkreślili ŭ kampanii, pierachod na novy bilinh — «praciahłaja i pracajomkaja sprava, padčas jakoj nie vyklučany techničnyja niepaładki».
Praces mihracyi možna paraŭnać ź pierazahruzkaj kampjutarnaj sistemy, kali infarmacyja pavinna być sabrana nanova — ułasna kažučy, pierachod na novy bilinh i aznačaje prymianieńnie novych apieracyjnych i prahramnych rašeńniaŭ.
U suviazi z tym, što padčas mihracyi na novuju sistemu ŭ niekatorych abanientaŭ life:) uźnikli ciažkaści z dostupam da ich abanienckich rachunkaŭ, apieratar zapeŭnivaje, što ŭsie «stračanyja» chviliny i miehabajty, hetak ža, jak i hrašovyja srodki z rachunkaŭ, nikudy nie źnikli i ŭžo tym bolš nie byli niezakonna śpisanyja.
Z-za techničnaha zboju sistemie spatrebicca bolš času, kab vyjavić i vydać poŭnuju infarmacyju, pryčym tolki pa niekatorych abanienckich rachunkach, padkreślili ŭ kampanii.
Śpiecyjalisty life:) raźličvajuć vypravić situacyju ŭ samyja karotkija terminy. Apieratar spadziajecca na razumieńnie abanientaŭ, a taksama aficyjna prosić vybačeńnia va ŭsich, chto adčuŭ niazručnaści.
Kamientary