Biełarusy aburylisia, što šakaładka «Lubimaja Alonka» «pachudzieła». Na pradpryjemstvie adreahavali
Biełarusy ŭ sacsietkach pačali abmiarkoŭvać źmieny ŭ viadomaj šakaładcy «Lubimaja Alonka». Ludzi zaŭvažyli, što vaha plitki stała mienšaj — zamiest raniejšych 100 hramaŭ ciapier jana važyć kala 85. Heta vyklikała niezadavolenaść pakupnikoŭ, a niekatoryja navat skazali, što smak nibyta pahoršyŭsia, piša ahienctva «Minsk-Naviny».
Asabliva aktyŭna navina abmiarkoŭvałasia ŭ internecie paśla videa, u jakim žycharka Minska pakazała novuju vahu šakaładki. U kamientaryjach mnohija vykazali abureńnie z-za takich źmien.
Na fabrycy «Kamunarka», jakaja vypuskaje hety šakaład, patłumačyli, što pamianšeńnie vahi źviazana, maŭlaŭ, z ahulnaj tendencyjaj u śviecie: vytvorcy kandytarskich vyrabaŭ usio čaściej robiać pradukcyju mienšaj pa vazie. Pavodle ich słoŭ, heta paćvierdzili i markietynhavyja daśledavańni. Źmianšeńnie ž vahi «dazvalaje zrabić pradukt bolš dastupnym šyrokamu kołu spažyŭcoŭ».
Što datyčycca skarhaŭ na smak, to na pradpryjemstvie ličać ich subjektyŭnymi. Tam padkreślili, što receptura šakaładu nie źmianiałasia i zastajecca takoj ža, jak i raniej.
Kamientary