List z patrabavańniami padpisali bolš za 250 miedykaŭ.
Minskija rabotniki chutkaj dapamohi bolš nie mohuć tryvać składanych umovaŭ pracy, a taksama nizkich zarobkaŭ. Jany pačali kampaniju zboru podpisaŭ, kab źmianić stanovišča. Pryčym nie tolki ŭ internecie, a i ŭžyvuju.
Miedyki paraŭnoŭvajuć svaje mizernyja zarpłaty ź finansavańniem siłavikoŭ dy inšych pryvilejavanych hrup, i ŭ ich apuskajucca ruki.
«Hety kalektyŭny zvarot vyśpiavaŭ doŭha. Ludzi zvalniajucca, ich stanovicca ŭsio mieniej i mieniej. A nahruzka na bryhady tolki raście», — raskazaŭ «Našaj Nivie» adzin z kaardynataraŭ zboru podpisaŭ na padstancyi №4 minskaj słužby chutkaj dapamohi.
«U bryhadzie musić być čatyry čałavieki. Ale nasamreč ukamplektavanyja ŭ nas tolki bryhady reanimacyi. A voś u BIT-bryhadach (bryhady intensiŭnaj terapii — NN), jakija vyjazdžajuć, kali niama mahčymaści pasłać reanimacyju, dobra, kali jeduć u składzie doktar ź fielčaram. Časam jeździać dva fielčary. Naprykład, 31 śniežnia ŭ nas na padstancyi byli try bryhady ŭvohule pa adnym čałavieku… Pra sanitaraŭ havorki nie idzie — ich uvohule amal što niama. A jak udvoch pravodzić reanimacyju?! Byli vypadki, kali kropielnicu davodziłasia trymać u zubach».
«Ja atrymlivaju ad 2,2 da 2,7 miljona rubloŭ prykładna za 160 hadzin pracy. Heta adna staŭka», — raskazvaje jon.
Podpisy pačali źbirać 24 śniežnia. Na rukach u jaho bolš za 250 podpisaŭ rabotnikaŭ «chutkaj», jašče dziasiatki podpisaŭ znachodziacca ŭ davieranych asobaŭ.
Poŭny tekst hutarki čytajcie ŭ siońniašnim numary papiarovaha tydniovika «Naša Niva».
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma17
Kamientary