«Uviadzieńnie nadzvyčajnaha stanovišča budzie apošnim krokam Janukoviča», — zajaviŭ na kruhłym stale palityčnych i hramadskich dziejačoŭ Ukrainy były prezident Ukrainy Leanid Kučma. Jaho cytuje ŭ svaim tvitary žurnalist Mustafa Najem.
Na pytańnie žurnalistaŭ, u jakim stanie my znachodzimsia, Kučma adkazaŭ: «U stanie siekir-baška». Hetyja zajavy jon zrabiŭ pa zaviaršeńni kruhłaha stała, arhanizavanaha Leanidam Kraŭčukom, u efiry hromadske.tv.
Na dumku Kučmy, nieabchodna vykarystoŭvać toje, što ŭ abodvuch bakoŭ skłałasia razumieńnie nieabchodnaści zrabić peŭnyja kroki, jak, naprykład, admianić skandalnyja zakony i viarnucca da Kanstytucyi 2004 hoda.
Jon taksama zakranuŭ pryčyn kryzisu: «Zakručvali hajki, zakručvali, i dazakručvalisia».
Na dumku Kučmy, uviadzieńnie nadzvyčajnaha stanovišča źjaŭlajecca apošnim krokam dla ŭłady, što, vidavočna, paciahnie za saboj krovapralićcio. Kučma zajaviŭ, što paśla hetaha pytańnie cełasnaści krainy ŭžo budzie pad pahrozaj.
Uličvajučy, što ŭ historyi Ukrainy NS jašče nie ŭžyvałasia, Kučma vykazaŭ sumnieŭ, što Janukovič hatovy ŭvajści ŭ historyju takim čynam.
«My ž usie razumnyja ludzi i treba niejak damaŭlacca», — padsumavaŭ Leanid Kučma na aptymistyčnaj nocie.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m101
Kamientary