U kvatery studentaŭ u Minsku znojdziena siem vybuchovych pryład
Siem samarobnych vybuchovych pryład, try ź jakich byli načynieny mietaličnymi bałtami, vyjaŭlenyja ŭ zdymanaj studentami minskaj kvatery.
Pryłady byli vyjaŭlenyja jašče 11 studzienia 2014 hoda. Znajšoŭ ich haspadar kvatery, jaki zdavaŭ žyllo dvum studentam Minskaha dziaržaŭnaha architekturna-budaŭničaha kaledža, što mieścicca na vulicy Źmitraka Biaduli.
Ranicaj u subotu, kali studenty raźjechalisia pa chatach u rehijony, haspadar pryjšoŭ u kvateru i sa ździŭleńniem vyjaviŭ tam hatovyja da ŭžyvańnia siem samarobnych vybuchovych pryład. Uładalnik kvatery patelefanavaŭ u milicyju i paviedamiŭ ab svajoj znachodcy. Na miesca zdareńnia była nakiravana hrupa raźminiravańnia SPBT «Ałmaz», a taksama apieratyŭniki Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS.
Pry ahladzie vybuchovych pryład było ŭstanoŭlena, što jany hatovyja da ŭžyvańnia. Zhodna z zaklučeńniem ekśpiertaŭ, pryłady ŭjaŭlali saboj pavietranyja šary, napoŭnienyja pietardami zavodskoj vytvorčaści, cukram dla ŭzmacnieńnia siły vybuchu, a taksama paražalnymi elemientami. U čatyroch pryładach u jakaści paražajučych elemientaŭ znachodziŭsia haroch, a ŭ troch — mietaličnyja bałty.
«Vybuchoŭka» takaja, viadoma, nie mocnaja. Ale sam namier studentaŭ vyjaŭny. U suviazi z hetym apieratyŭnikami tut ža byli zatrymanyja studenty, jakija vyrabili SVP. Adnamu ź ich tolki spoŭniłasia 18 hadoŭ, a druhomu niadaŭna stuknuła 20.
Jak patłumačyŭ chłopiec, jany zusim nie chacieli padryvać padrychtavanyja pryłady ŭ miescach zboru ludziej i tym bolš nie mieli namier ździajśniać terakt. Pa ich słovach, i mietaličnymi bałtami jany načynili pryłady tolki dla taho, kab pahladzieć, jak jany buduć paražać drevy ŭ lesie.
Ciapier pa spravie pravodziacca dadatkovyja pravieračnyja mierapryjemstvy.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami32
Kamientary