Kurejčyk: Nasielnictva Kryma hladzić na ruskich sałdat jak na prydurkaŭ
U suśvietnaj palitycy jość dva varyjanty prymianieńnia siły — miakki i žorstki, — piša ŭ svaim Fejsbuku biełaruski dramaturh i scenaryst Andrej Kurejčyk. — Heta dziciačaja pamyłka — dumać, što žorstkaja, naŭprostaja siła (čytaj: hvałt, prymus) — lepšaja. Majdan abodva razy — i ŭ 2004, i ŭ 2014 — vyjhraŭ dziakujučy «miakkaj» sile.
Nichto nie zachapiŭ ni Radu, ni Administracyju prezidenta, ni MUS, nie napadali na prezidenta i čynoŭnikaŭ, ad snajpieraŭ zahinuli ŭ asnoŭnym demanstranty, i tym nie mienš režym pavaliŭsia, a prezident uciok. Miakkaja siła akazałasia ŭ šmat razoŭ efiektyŭniejšaj za «Bierkut», BTRy, razhony, aryšty i snajpieraŭ.
U adpłatu Rasija pačała scenar prymianieńnia žorstkaj siły ŭ Krymie.
Vajennaja akupacyja, interviencyja, pad aŭtamatami śpiecnaza HRU pryznačajuć svajho «prezidenta», natoŭpy ŭzbrojenych sałdat biehajuć pa paŭvostravie, hatovyja pakazać pieravahu rasijskaj zbroi, krutaść pucinskich vojskaŭ, chvackaść… Choć kamu-niebudź. A pakazvać niama kamu. Ź imi nichto nie vajuje. Jany chodziać — a nikoha niama. Tolki nasielnictva hladzić na ich jak na prydurkaŭ. Nu chodziać i chodziać…
U vyniku: dla ŭsiaho śvietu Rasija — ahresar, pa sutnaści jaje vyklučajuć z Vaśmiorki, vycirajuć ab jaje nohi usie ad Finlandyi da Novaj Ziełandyi, rasijski rynak stračvaje 2 tryljony rubloŭ, valuta abvalvajecca, jak u Zimbabve, pačynajuć uvodzić vizavyja sankcyi i h.d. A dla Kryma i Ukrainy ničoha nie mianiajecca:
nu, jak chadzili ruskija sałdaty z Čarnamorskaha fłotu pa Krymie, tak i chodziać, nu, chaj ich krychu bolš… Jak kiravali Krymam miascovyja kleptakraty, tak i kirujuć. Rejsavyja aŭtobusy-ciahniki i tak chodziać. Rynki-kramy adkrytyja. Usio jak zvyčajna. Heta značyć, dla Ukrainy nie źmianiłasia ničoha pa fakcie. A Rasija — u poŭnaj dypłamatyčnaj i ekanamičnaj zadnicy. Tamu što ni rastłumačyć uvarvańnie, ni znajści padstavu dałučyć Krym, ni ŭtrymać inviestaraŭ u situacyi vajny niemahčyma. Heta i nazyvajecca pieravahaj «miakkaj siły». Što zastajecca ruskim?
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m102
Kamientary