Biełarusam, jakija znachodziacca ŭ RF, pieralik biaspłatnych miedpasłuh nieabchodna ŭdakładniać u kankretnaj miedustanovie

Pieralik biaspłatnych miedycynskich pasłuh, što mohuć być akazany hramadzianam Biełarusi, jakija znachodziacca ŭ Rasii, nieabchodna ŭdakładniać u kankretnaj ustanovie achovy zdaroŭja abo terytaryjalnych orhanach achovy zdaroŭja. Takaja rekamiendacyja źmieščana ŭ rastłumačeńni, što pastupiła ŭ BIEŁTA, Pastajannaha kamiteta Sajuznaj dziaržavy.

U Pastkamie nahadali, što akazańnie miedycynskaj dapamohi biełaruskim hramadzianam, jakija znachodziacca ŭ RF, ažyćciaŭlajecca ŭ adpaviednaści ź mižuradavym biełaruska-rasijskim Pahadnieńniem ab akazańni miedycynskaj dapamohi hramadzianam Respubliki Biełaruś va ŭstanovach achovy zdaroŭja Rasijskaj Fiederacyi i hramadzianam Rasijskaj Fiederacyi va ŭstanovach achovy zdaroŭja Respubliki Biełaruś ad 24 studzienia 2006 hoda i zakanadaŭstvam RF.

Heta pahadnieńnie vyłučaje niekalki katehoryj hramadzian. Tak, hramadzianie Biełarusi, jakija pastajanna pražyvajuć u Rasii (majuć paśviedčańnie na prava žycharstva ŭ RF), majuć roŭnyja pravy z rasijskimi hramadzianami na atrymańnie miedycynskaj dapamohi, uklučajučy biaspłatnaje lačeńnie ŭ dziaržaŭnych i municypalnych ustanovach achovy zdaroŭja pa polisie abaviazkovaha miedycynskaha strachavańnia (AMS). 

Hramadzianie Biełarusi - Hieroi Savieckaha Sajuza i kavalery ordena Słavy troch stupieniej - majuć roŭnyja pravy z hramadzianami RF na atrymańnie miedycynskaj dapamohi, uklučajučy biaspłatnaje lačeńnie ŭ dziaržaŭnych i municypalnych ustanovach achovy zdaroŭja Rasii.

Hramadzianie Biełarusi, jakija časova znachodziacca i časova pražyvajuć i nie pracujuć u Rasii, majuć prava na atrymańnie biaspłatnaj chutkaj miedycynskaj dapamohi i miedycynskaj dapamohi ŭ vypadku ŭźniknieńnia ŭ ich u pieryjad znachodžańnia ŭ RF zachvorvańniaŭ, što ŭjaŭlajuć niebiaśpieku dla navakolnych (pieralik sacyjalna niebiaśpiečnych zachvorvańniaŭ vyznačajecca ŭradam RF). Jany taksama mohuć atrymlivać miedycynskuju dapamohu pa nabytych polisach dobraachvotnaha miedycynskaha strachavańnia abo apłačvajučy miedycynskija pasłuhi niepasredna va ŭstanovach achovy zdaroŭja.

Hramadzianie Biełarusi, jakija časova znachodziacca i pracujuć u Rasii, majuć roŭnyja pravy z hramadzianami RF, jakija pracujuć u hetych ustanovach (arhanizacyjach), na atrymańnie miedycynskaj dapamohi ŭ dziaržaŭnych i municypalnych ustanovach achovy zdaroŭja RF u adpaviednaści z terytaryjalnymi prahramami dziaržaŭnych harantyj akazańnia hramadzianam RF biaspłatnaj miedycynskaj dapamohi.

U Pastkamie paviedamili, što Ministerstva achovy zdaroŭja i sacyjalnaha raźvićcia Rasii nakiravała kiraŭnikam orhanaŭ achovy zdaroŭja subjektaŭ RF infarmacyjnaje piśmo ab paradku akazańnia miedycynskaj dapamohi hramadzianam Biełarusi ŭ dziaržaŭnych i municypalnych ustanovach achovy zdaroŭja RF i daručyła davieści hetu infarmacyju da padviedamnych im miedycynskich arhanizacyj.

U pryvatnaści, departamient achovy zdaroŭja ŭrada Maskvy pa zapycie Pastajannaha kamiteta Sajuznaj dziaržavy infarmavaŭ, što hramadzianam Biełarusi, jakija časova znachodziacca i pracujuć u Maskvie i niezaležna ad ich prynaležnaści da sistemy abaviazkovaha miedycynskaha strachavańnia, miedycynskaja dapamoha akazvajecca va ŭstanovach achovy zdaroŭja, padviedamnych departamientu achovy zdaroŭja, za košt haradskoha biudžetu.

Anałahičny paradak arhanizacyi akazańnia miedycynskaj dapamohi paćvierdžany administracyjami Smalenskaj, Kurskaj, Tulskaj, Branskaj, Kałužskaj, Ćviarskoj i Pskoŭskaj abłaściej, dzie apošnija hady časova pracuje značnaja kolkaść hramadzian Biełarusi.

Vyznačeńnie abjomaŭ, vidaŭ i ŭmoŭ akazańnia biaspłatnaj miedycynskaj dapamohi, a taksama sposabaŭ jaje finansavańnia naležyć da paŭnamoctvaŭ orhanaŭ miascovaha samakiravańnia municypalnych rajonaŭ i haradskich akruh.

«Hramadzianam Biełarusi, jakija časova znachodziacca i pracujuć u Rasii, dla atrymańnia biaspłatnaj miedycynskaj dapamohi patrabujecca, jak praviła, padać zajavu hałoŭnamu ŭraču miedycynskaj ustanovy pa miescy žycharstva, prykłaści kopiju pašparta, kopiju dakumientaŭ, što paćviardžajuć pastanoŭku na mihracyjny ŭlik pa miescy znachodžańnia, abo kopiju dahavora na arendu žyłoha pamiaškańnia, - adznačyli ŭ Pastkamie. - U vypadku niepravamiernaj admovy miedycynskaj ustanovy ŭ akazańni biaspłatnaj miedycynskaj dapamohi mahčymy zvarot u terytaryjalnyja orhany achovy zdaroŭja».

Akramia taho, z 1 studzienia 2015 hoda z ustupleńniem u siłu Dahavora ab Jeŭrazijskim ekanamičnym sajuzie abaviazkovaje sacyjalnaje strachavańnie na vypadak časovaj niepracazdolnaści i ŭ suviazi z maciarynstvam hramadzian Biełarusi budzie ažyćciaŭlacca na tych ža ŭmovach i ŭ tym ža paradku, što i hramadzian Rasii, paviedamili ŭ Pastkamie.

• 0
• 0
• 0
• 0
• 0
• 0
• 0
• 0