Siońnia, 8 vieraśnia, a 19-j Biełaruski dziaržaŭny akademičny muzyčny teatr raspačnie 45-y teatralny siezon premjeraj minułaha hoda — nacyjanalnym miuzikłam Uładzimira Kandrusieviča i Aleny Turavaj «Sofja Halšanskaja».
Śpiektakl, jaki ad pieršaha pakazu źbiraje anšłahi, byŭ hałoŭnaj padziejaj šmatlikich mižnarodnych teatralnych forumaŭ. U asnovie tvora na muzyku Uładzimira Kandrusieviča i teksty Aleny Turavaj — kachańnie junaj pryhažuni Sofji da mahutnaha kniazia, siamidziesiacihadovaha Jahajły. Pastanoŭka vydatna kaściumavana, idzie na abiedźviuch dziaržaŭnych movach i tradycyjna pryciahvaje hledačoŭ svajoj vytančanaściu…
Siarod pieršych śpiektaklaŭ siezona — kłasičnyja «Mister Iks», «Silva», «Junona» i «Avoś», «Tysiača i adna noč», a taksama dziciačyja śpiektakli. A z 26 vieraśnia pa 5 kastryčnika na scenie Biełaruskaha dziaržaŭnaha akademičnaha muzyčnaha teatra projduć hastroli Karahandzinskaha akademičnaha teatra muzyčnaj kamiedyi. Kazachskija artysty pryvieźli na sud biełaruskaha hledača svaje viersii «Bajadery», «Silvy», «Marycy», «Cyhanskaha barona», «Latučaj myšy», «Viasioły ŭdavy» i inšych šedeŭraŭ suśvietnaj kłasiki. Pad samy kaniec vosieni naš muzyčny vystupić na Jekaciarynburhskaj scenie.
U repiertuary hastrolaŭ — znoŭ ža miuzikł «Sofja Halšanskaja», apierety «Hraf Luksiemburh», «Silva» i «Cyhanski baron», balety «Asol» i «Tysiača i adna noč».
Kamientary