Alaksandr Łukašenka zajaviŭ, što prablemu spajsaŭ treba vyrašyć jak najchutčej.
Takoje mierkavańnie kiraŭnik dziaržavy vykazaŭ siońnia na 42-m źjeździe BRSM.
Łukašenka źviarnuŭ uvahu na roznyja škodnyja zvyčki i pahrozy zdaroŭju moładzi. «Štodnia miedyki viartajuć da žyćcia maładych, junych hramadzian, jakija atrucilisia tak zvanymi spajsami i inšaj zarazaj. I heta samaje strašnaje, što adbyvajecca ŭ maładziožnym asiarodździ. Strašniej niama kudy, kali my z-za duraści imkliva hublajem maładoje žyćcio. Heta na samaj spravie nahoda pryzadumacca pra našu budučyniu. I vyrašyć hetuju prablemu treba ŭsim śvietam praz aktyŭny ład žyćcia, praz sport. Lubymi losami hetuju prablemu treba vyrašyć!»- padkreśliŭ jon.
Na dumku kiraŭnika dziaržavy, treba vykarystoŭvać usie mahčymaści, kab advieści padletkaŭ i moładź z vulic i zahruzić ich karysnymi spravami, kab nie było volnaj chviliny dumać pra hetuju atrutu.
«Ale ž hałoŭnaja zadača BRSM mienavita ŭ hetym. I praca sajuza budzie mieć sens tolki tady, kali arhanizacyja pačnie vyrašać prablemy moładzi siłami samoj moładzi. U hetym zaklučajecca jaje paklikańnie i asnoŭnaje pryznačeńnie», — adznačyŭ jon.
«My žyviem u novy čas, u kankurentnym asiarodździ, na fonie narastajučaha patoku infarmacyi, vyklikaŭ jak unutry našaha hramadstva, tak i zvonku. Kali z boku naviazvajecca niezrazumieły ład žyćcia, kultyvujecca i pazicyjanujecca zło, hvałt, razbureńnie», — skazaŭ kiraŭnik dziaržavy, adznačyŭšy, što ŭ suviazi z hetym pahrozy zdaroŭju moładzi vyklikajuć surjoznyja turboty.
«I kadry, i studatrady, i prajekty, i technałohii, i pasady, i zvańni, pra jakija my tolki što razvažali, — usio heta budzie, kali ŭ nas budzie zdarovaja va ŭsich sensach hetaha paniaćcia moładź. Bo zdarovaja moładź — heta asnova dabrabytu hramadstva nie tolki siońnia, ale pierš za ŭsio zaŭtra, — padkreśliŭ Łukašenka. — Čałaviek tady budzie paśpiachovym, kali jon budzie vieści ŭ poŭnym sensie hetaha słova zdarovy ład žyćcia».
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni4
Kamientary