Dziasiatki tysiač ludziej vyjšli ŭ Maskvie na marš hnievu i pamiaci Barysa Niamcova FOTY, VIDEA
Ludzi biaskonca skandavali «Nie vajnie!».
Videaanłajn z šeścia:
17.40
Maskvička Liza, jakaja pryjšła na akcyju pamiaci i pratestu ź niemaŭlom.
17.38
Miesca zabojstva Barysa Niamcova zasłanaje kvietkami.
18.21
Pavodle ŭdakładnienych źviestak, bolš za 50 čałaviek byli zatrymanyja ŭ Maskvie padčas šeścia pamiaci Barysa Niamcova za «parušeńnie hramadskaha paradku».
11 čałaviek byli zatrymanyja supracoŭnikami AMAPu, udzielnik šeścia paviedamiŭ u efiry «Doždia», što heta byli aktyvisty arhanizacyi «Narodnaja vola».
Raniej na šeści byli zatrymanyja kala dziesiaci čałaviek ź impierskimi ściahami, pryčyny zatrymańnia taksama nieviadomyja. Raniej źjaŭlalisia paviedamleńni, što adzin čałaviek ź impierskim ściaham byŭ zatrymany nibyta za sprobu kinuć dymavuju šašku.
Akramia taho, u časie šeścia zatrymany deputat Viarchoŭnaj rady Ukrainy Alaksiej Hančarenka. U staličnym hłaŭka MUS fakt zatrymańnia ŭkrainskaha parłamientaryja paćvierdzili.
17.23
Uskłaŭšy kvietki, ludzi razychodziacca — chto pa adnym, chto hrupami. Palicyja nikoha nie zatrymlivaje. Tolki zaklikaje ŭsich paśla prachodu zamaskvareckaha mosta spuskacca ŭ mietro.
17.21
U natoŭpie zaŭvažany bieł-čyrvona-bieły ściah.
17.18
Nabiarežnaja ŭžo apuścieła. Apošnija ŭdzielniki šeścia ŭzychodziać na most. «Apošnija» — heta tysiač piać, na voka, paviedamlaje karespandent NN.
Miesca zabojstva Niamcova zavalena kvietkami.
17.10
Zatrymany ŭkrainski deputat Alaksiej Hančarenka moža stać fihurantam raspačataj u RF kryminalnaj spravy ŭ suviazi z padziejami ŭ Adesie 2 maja minułaha hoda, paviedamlaje «Interfaks» sa spasyłkaj na krynicu, znajomuju ź situacyjaj.
17.04
Na moście vielmi ciesna, da miesca, dzie ŭskładajuć kvietki, praktyčna niemahčyma prabicca. Jość niebiaśpieka ciskaniny. Palicyja faktyčna nie kantraluje situacyi. Bolšaja častka ŭdzielnikaŭ šeścia špacyruje ŭzdoŭž muroŭ Kramla.
16.56
Palicyja zatrymała narodnaha deputata Ukrainy ad «Błoka Piatra Parašenki» Alaksieja Hančarenku, jaki braŭ udzieł u mitynhu. «Adviali ŭ aŭtazak, adbirali pašpart. Potym pašpart addalii vyvieli z aŭtazaka, udaryli. Ja ničoha nie vykrykvaŭ, płakataŭ i ściahoŭ nie nios – zatrymali prosta za futbołku», — napisaŭ jon u Fejsbuku. Na futbołcy było fota Niamcova i nadpis «Hieroi nie pamirajuć» pa-ŭkrainsku. Pavodle infarmacyi «Doždia», Hančarenka ciapier u adździaleńni ŭnitranych spravaŭ «Kitaj-horad».
16.53
Ludzi prarvalisia na piešuju častku masta. Most całkam zapaŭniajecca.
16.52
Čałaviek u čornym płaščy z nadpisam «karupcyja» na śpinie pravakuje achovu masta — lezie abdymacca z družyńnikam i kryčyć: «Nu što, dobra tabie z karupcyjaj»? Častka natoŭpu sprabuje prarvacca na piešachodnuju častku masta, ich nie puskajuć. Adbyvajucca mini-kanflikty z družyńnikami.
16.44
Ludzi zachodziać na most. Na miescy hibieli buduć uskładać kvietki. Kanca kałony z mosta nie vidać.
16.40
Palicyja vyvieła z šeścia hrupu ź impierskimi ściahami, piša ŭ tvitary Pavał Šaramiet.
16.33
Hałava kałony staić kala ŭzychodu na most. Arhanizatary strymlivajuć jaje chadu. Krasnaja płošča pierad Kramlom zastaŭlenaja aŭtazakami i pustymi aŭtobusami. Na sabory Vasila Błažennaha pačali bić zvany.
16.19
HU MUS Rasii aceńvaje kolkaść udzielnikaŭ mitynha ŭ 16,5 tysiač čałaviek. Sami ŭdzielniki — u 50—100 tysiač.
16.14
Natoŭp pačynaje skandavać: «Eti puli každomu iz nas», ale zachłynajucca praz 20 siekundaŭ. Taksama skandujuć «Rośsija budiet svobodnoj», «Putina v otstavku». Kryčać nie złažana, chutka zachłynajucca. Ale «Niet vojnie» padchoplivaviuć litaralna ŭsie.
16.08
Pierad mostam kałona raźbiłasia na niekalki častak (bo ludziej vielmi mnoha, jość ryzyka daŭki). Ludzi skandujuć: «Rasija biez Pucina!»
16.03
U kałonie iduć i sučasnyja «narodavolcy». Fota Iryny Arachoŭskaj.
15.55
Pieršyja šerahi kałony padychodziać da mosta, na jakim zastrelili Niamcova. «Nu što, zaraz most — a potym na Kreml», — čujecca ŭ natoŭpie.
15.52
Illa Jašyn aceńvaje kolkaść udzielnikaŭ šeścia ŭ 100 tysiač čałaviek. Raniej Michaił Kaśjanaŭ davaŭ svaju acenku — 50 tysiač. U HUUS Maskvy naličyli kala 7 tysiač demanstrantaŭ.
15.51
Kałona vyjšła na nabiarežnuju Maskvy-raki i stała, paviedamlaje «Dožd́».
15.49
15.46
Hrupa ŭdzielnikaŭ mitynhu trymaje raściažku «Svabodu Nadziei Saŭčanka».
15.35
Na Kitajharodskim prajeździe ludzi ź impierskimi čorna-žoŭta-biełymi ściahami.Etnapalityčnaje abjadnańnie «Ruskija» - jany nazyvajuć siabie tak. «My razam ź libierałami i demakratami vyjšli, kab pakazać svajo staŭleńnie da złačynnaha režymu», — kažuć jany.
15.33
U šeści biaruć udzieł dziasiatki tysiač čałaviek. Udzielniki šeścia ŭ intervju karespandentam «Našaj Nivy» adkryta ŭskładajuć vinu za hibiel Niamcova na ŭłady Rasiei i asabista Uładzimira Pucina. Na ich dumku, Niamcoŭ zapłaciŭ žyćciom za svaju antyvajennuju pazicyju, za vykryvańnie ahresii.
15.27
Bolš za dziesiać čałaviek sabralisia siońnia la rasijskaj ambasady ŭ Minsku, kab ušanavać pamiać palityka Barysa Niamcova.
Ludzi prynieśli kvietki, źnički dy stužki. Kali ŭdzielniki pačali źbiracca, nasustrač im vyjšli milicyjanty i papiaredzili, što ładzić pikiety zabaroniena. Kali im adkazali, što nichto ničoha pikietavać nie źbirajecca, adzin ź milicyjantaŭ skazaŭ, što «nie treba rabić nijakich fota, nijakich repartažaŭ», zdymać blizka la ambasady taksama zabaroniena. Paśla jon paprasiŭ u žurnalistaŭ paśviedčańni i pierapisaŭ dadzienyja. Abyšłosia biez zatrymańniaŭ.
15.25
Mahčyma, palicyja śpiecyjalna pracuje marudna kala mietaładetektaraŭ - natoŭp amal nie ruchajecca. Pačaŭsia drobny doždž.
15.24
Videa Iryny Arachoŭskaj.
15.20
Kałona rušyła. Hałoŭny łozunh šeścia — «Hieroi nie pamirajuć», kaža Ilja Jašyn, inšy lidar rasijskaj apazicyi i siabar zabitaha. Nad demanstrantami pieravažna rasijskija dziaržaŭnyja i partyjnyja ściahi. Jość infarmacyja, što ludziej z ukrainskaj simvolikaj zatrymlivali, nie tolkim za ściahi, ale i za stužački.
Siarod łozunhaŭ — «On pohib za našie buduŝieje», «On borołsia za svobodnuju Rośsiju», «BORIŚ».
15.10
Na mitynhu sa siabie ahitujuć i kamunisty — razdajuć ulotki.
15.06
Usio jašče staić vializarnaja čarha da detektaraŭ, ludzi nie mohuć vyjści ź mietro, stajać u pierachodzie i čakajuć, pakul rušyć natoŭp na płoščy, paviedamlajuć karespandenty NN.
15.02
Ušanavać Niamcova pryjšli vielmi roznyja ludzi: moładź, intelihienty stałaha vieku, navat kryšnaity. Apošnija śpiavali žałobnyja malitvy. Zdymki Iryny Arachoŭskaj.
14.41
Jak paviedamlajuć karespandenty NN, jakija viaduć repartaž ź miesca padziej, kala bližejšaj stancyi mietro «Kitaj-horad» nie prapichnucca — milicyjanty praź miehafony kaardynujuć ludskuju płyń.
Mnohija ludzi niasuć vialikija bukiety kvietak. Na Słavianskaj płoščy łunajuć ściahi Rasii i Ukrainy, biełaruskich pakul nie vidać.
14.40
Płošča abstaŭlenaja ramkami ź mietaładetektarami. Da ich stajać vialikija čerhi. Kala ramak udzielnikam razdajuć rasijskija trykałory.
Arhanizatar Alaksandr Ryklin nazyvaje akcyju nie tolki paminalnij, ale i pratestnaj, bo Niamcoŭ byŭ apazicyjnym palitykam.
Kolkaść udzielnikaŭ telekanał «Dožd́» aceńvaje ŭžo ŭ niekalki tysiač čałaviek. Šeście da miesca hibieli Niamcova pačniecca. a 15-j.
* * *
Płanavany na siońnia marš rasijskaj demakratyčnaj apazicyi «Viasna», jaki pavinien byŭ prajści ŭ maskoŭskim rajonie Marjina, byŭ admienieny paśla zabojstva Barysa Niamcova. Zamiest jaho ŭ centry horada adbudziecca šeście pamiaci palityka.
Ad Słavianskaj płoščy, što pobač sa stancyjaj mietro «Kitaj-horad», udzielniki pojduć na Kitajharodskim prajeździe i Maskvareckaj nabiarežnaj da Vialikaha Maskvareckaha mostu, dzie byŭ zabity Niamcoŭ.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami42
Kamientary