Alaksandr Łukašenka 2 krasavika padpisaŭ dekret №3 «Ab papiaredžańni sacyjalnaha ŭtrymanstva». Pra heta paviedamili ŭ pres-słužbie biełaruskaha lidara.
Pravavy akt vydadzieny ŭ metach stymulavańnia pracazdolnych hramadzian da pracoŭnaj dziejnaści i zabieśpiačeńnia vykanańnia imi kanstytucyjnaha abaviazku pa ŭdziełu ŭ finansavańni dziaržaŭnych raschodaŭ.
Dekret ustanaŭlivaje abaviazak hramadzian Biełarusi, zamiežnych hramadzian, jakija pastajanna pražyvajuć u respublicy, i asob biez hramadzianstva, jakija nie ŭdzielničali ŭ finansavańni dziaržaŭnych raschodaŭ abo ŭdzielničali ŭ takim finansavańni mienš za 183 kalandarnyja dni ŭ minułym hodzie, pa vypłacie zboru ŭ pamiery 20 bazavych vieličyń.
Hramadzianie, jakija zajmajucca 183 kalandarnych dni i bolš u hodzie pracoŭnaj i inšymi ustalavanymi dekretam vidami dziejnaści (pradprymalnickaj, ramiesnaj, tvorčaj, advakackaj abo nataryjalnaj, akazańniem pasłuh u śfiery ahraekaturyzmu, vykanańniem rabot pa hramadzianska-pravavych dahavorach, navučańniem na dzionnaj formie atrymańnia adukacyi), pryznajucca ŭdzielnikami ŭ finansavańni dziaržaŭnych raschodaŭ i, adpaviedna, vyzvalajucca ad vypłaty zboru.
Da ŭdziełu ŭ finansavańni dziaržvydatkaŭ buduć adnosicca taksama pieryjady vychavańnia dziciaci va ŭzroście da 7 hadoŭ, dziciaci-invalida va ŭzroście da 18 hadoŭ, traich i bolš niepaŭnaletnich dziaciej.
Dekretam vyznačany vyčarpalny pieralik katehoryj hramadzian, jakija vyzvalajucca ad vypłaty zboru. U pryvatnaści, heta niedziejazdolnyja hramadzianie, invalidy, asoby maładziejšyja za 18 hadoŭ, žančyny, jakija dasiahnuli ŭzrostu 55 hadoŭ, mužčyny, jakija dasiahnuli ŭzrostu 60 hadoŭ, i niekatoryja inšyja katehoryi hramadzian.
Suma zboru, jakaja padlahaje vypłacie płacielščykami, pamianšajecca na sumy vypłačanych imi ŭ minułym padatkovym pieryjadzie padatkaŭ (padachodny padatak ź fizičnych asob, adziny padatak ź indyvidualnych pradprymalnikaŭ i inšych fizičnych asob, padatak pry sproščanaj sistemie padatkaabkładańnia).
Zbor padlahaje vypłacie nie paźniej za 15 listapada hoda, nastupnaha za minułym padatkovym pieryjadam, na padstavie paviedamleńnia padatkovaha orhana.
Razam z tym u metach stymulavańnia płacielščykaŭ zboru da jaho samastojnaj vypłacie praduhledžvajecca mahčymaść źmianšeńnia sumy zboru na 10%, kali płacielščyki zboru z 1 žniŭnia biahučaha padatkovaha pieryjadu pa 31 maja hoda, nastupnaha za minułym padatkovym pieryjadam, pradstaviać u padatkovy orhan adpaviednaje apaviaščeńnie. U hetym vypadku zbor padlahaje vypłacie nie paźniej za 1 lipienia hoda, nastupnaha za minułym padatkovym pieryjadam.
Niavypłata abo niapoŭnaja vypłata zboru ciahnuć nakładańnie štrafu ŭ pamiery ad 2 da 4 bazavych vieličyń abo administracyjny aryšt z abaviazkovym pryciahnieńniem da vykanańnia hramadska karysnych rabot.
Dekret ustupaje ŭ siłu paśla jaho aficyjnaha apublikavańnia i budzie prymianiacca da adnosin, jakija ŭźnikli z 1 studzienia 2015 hoda.
Kamientary