Ministr pracy i sacabarony patłumačyła, jak budzie pracavać «padatak na darmajedstva»

Ministr pracy i sacyjalnaj abarony Marjana Ščotkina na nacyjanalnym pravavym internet-partale patłumačyła, jak buduć vypłačvać zbor pracazdolnyja hramadzianie, jakija nie ŭdzielničajuć u finansavańni dziaržvydatkaŭ bolš za 183 dzion u hodzie.

Hetaja norma, nahadajem, utrymlivajecca ŭ Dekrecie № 3, padpisanym 2 krasavika Alaksandram Łukašenkam.

Jak raspaviała Ščotkina, vypłacić zbor možna budzie samastojna.

Dla hetaha ŭ pieryjad z 1 žniŭnia hetaha hoda i nie paźniej za 31 maja 2016 hoda nieabchodna paviedamić padatkovy orhan pa miescy svajoj rehistracyi ab niaŭdziele ŭ finansavańni dziaržaŭnych raschodaŭ i vypłacić zbor nie paźniej za 1 lipienia 2016 hoda.

«U hetym vypadku suma zboru pamianšajecca na 10%», — adznačyła ministr.

«Varta adznačyć, što dekretam praduhledžvajecca raspracoŭka miechanizmu ŭzajemadziejańnia (u tym liku infarmacyjnaha) dziaržaŭnych orhanaŭ i arhanizacyj dla vyjaŭleńnia płacielščykaŭ zboru i farmavańnia ich śpisaŭ, — skazała Marjana Ščotkina. — Hetyja śpisy buduć pieradadzienyja Ministerstvam pa padatkach i zborach u terytaryjalnyja padatkovyja orhany. Zbor budzie zaličvacca ŭ miascovyja biudžety bazavaha ŭzroŭniu i biudžet Minska. Heta dazvolić pavialičyć resursnuju bazu na miascovym uzroŭni i nakiravać dadatkovyja srodki na vyrašeńnie aktualnych sacyjalnych zadač, jakija stajać pierad takimi orhanami».

Tym, chto nie apłacić zbor samastojna, padatkovy orhan da 1 kastryčnika 2016 ŭručyć paviedamleńnie na ŭpłatu zboru ŭ termin da 15 listapada.

Hramadzianin, jaki atrymaŭ paviedamleńnie, maje prava na praciahu 30 kalandarnych dzion z dnia atrymańnia paviedamleńnia pradstavić u padatkovy orhan dakumienty i (abo) tłumačeńni, jakija śviedčać ab adsutnaści ŭ jaho abaviazku pa vypłacie zboru ŭ adpaviednaści z normami dekreta.

Niavypłata abo niapoŭnaja vypłata zboru ciahnuć nakładańnie štrafu ŭ pamiery ad dvuch da čatyroch bazavych vieličyń abo administracyjny aryšt.

U pieryjad adbyćcia administracyjnaha aryštu hramadzianie abaviazkova pryciahvajucca da vykanańnia hramadska karysnych rabot.

«Pieralik abjektaŭ i vidy hramadska karysnych rabot buduć zaćviardžacca rašeńniami miascovych vykanaŭčych i rasparadčych orhanaŭ, — dadała ministr pracy i sacyjalnaj abarony. — A ŭ vypadku nievykanańnia ŭstanoŭlenych abaviazkaŭ pa vykanańni pracoŭnaj dyscypliny, patrabavańniaŭ biaśpieki pry vykanańni hramadska karysnych rabot, a taksama admovy ad ich vykanańnia da hramadzian padčas administracyjnaha aryštu mohuć prymianiacca dyscyplinarnyja spahnańni».

U adnosinach da płacielščykaŭ zboru padatkovym orhanam dadziena prava ažyćciaŭlać kantrol u śfiery dekłaravańnia dachodaŭ i majomaści i kantrol za adpaviednaściu raschodaŭ hramadzianina jaho dachodach.

Kali padatkovy orhan pry ažyćciaŭleńni hetaha kantrolu vyznačyć, što vydatki hramadzianina pieravyšajuć jaho dachody, dachody hramadzianina, vyličanyja zychodziačy z sum pieravyšeńnia vydatkaŭ nad dachodami, padlahajuć padatkaabkładańniu ŭ adpaviednaści z zakanadaŭčymi aktami.

• 0
• 0
• 0
• 0
• 0
• 0
• 0
• 0