Praciahvajuć pastupać anonsy «kinapierazapuskaŭ» dysnejeŭskaj kłasiki.
Studyja Disney anansavała jašče adnu kinaadaptacyju kłasičnaha multfilma, «Pinokia», paviedamlaje The Hollywood Reporter.
Scenar pavodle kazki Karła Kałodzi 1883 hoda napiša Piter Chiedžes, viadomy pa scerary «Moj chłopčyk», za jaki byŭ naminavany na «Oskar».
Bolš pra film pakul ničoha nie viadoma.
Heta nie pieršaja sproba pieraźniać «Pinokia». U 2008 hodzie Hiljerma del Tora raspracoŭvaŭ lalkavy film z udziełam Toma Uejtsa ŭ roli Pinokia, ale prajekt byŭ spynieny praz prablemy ź finansavańniem.
U pačatku 90-ch Frensis Ford Kopała sprabavaŭ ekranizavać «Pinokia» na studyi Warner, ale zdymki zaciahnulisia i vylilisia ŭ sud z režysioram.
Warner sprabavała adradzić prajekt u 2010 hodzie z Robiertam Daŭni-małodšym u roli hałoŭnaha złodzieja (da prajekta navat prypisvali Cima Biortana), ale paśla pieršaha anonsu novych źviestak pra zdymki nie źjaviłasia.
Aryhinalny «Pinokia» byŭ druhim poŭnamietražnym animacyjnym filmam Disney paśla «Biełaśniežki». Jaho vytvorčaść startavała ŭ 1938 hodzie, u prakat multfilm vyjšaŭ u 1940-m. Multfilm atrymaŭ dva «Oskary». Aryhinalnaja kazka była zaŭvažna pierapracavanaja, stała mieniej zmročnaj.
Bahata aluzij na «Pinokia» zaŭvažali ŭ filmie Styviena Śpiłbierha (i «zavočna» Stenli Kubryka) «Štučny intelekt» 2001 hoda.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary