Prosta dadaj manitor.
Amierykanskaja kampanija Next Thing za dzień nabrała na servisie Kickstarter srodki na vypusk zvyštannaha kampjutara C.H.I.P.
«Sistemny błok» kampjutara źmiaščajecca na płacie pamieram ź dźvie zapalnički. Pry hetym jon moža funkcyjanavać jak paŭnavartasny (chaj i nie vielmi mahutny) nastolny kampjutar — treba tolki dadać ekran dy kłavijaturu.
C.H.I.P. maje mabilny pracesar Allwinner A13 na častacie 1HHc, 512 Mb apieratyŭnaj pamiaci i 4 Hb unutranaj pamiaci, moduli WiFi i Bluetooth, a taksama USB- i miniUSB-porty dy vychad dla padklučeńnia da ekranu.
Kampjutar pracuje na Debian — dystrybutyvie papularnaj biaspłatnaj apieracyjnaj sistemy Linux. To značyć, jon moža dać paŭnavartasny hrafičny interfiejs, mnostva prahram i navat hulni.
Ź jaho dapamohaj možna pracavać z dakumientami, karystacca internetam, vučycca prahramavać ci pisać muzyku.
Da «hołaha» C.H.I.P. prapanujecca Pocket C.H.I.P. — korpus z 4,3-calevym ekranam, batarejaj na 3000 mAh i QWERTY-kłavijaturaj, što nahadvaje kišennyja kampjutary «ery da iPhone». Kamplekt z samim kampjutaram budzie kaštavać 49 dalaraŭ.
Na momant publikacyi prajekt nabraŭ 123 tysiačy dalaraŭ z 50 nieabchodnych. Da zaviaršeńnia zboru hrošaj zastałosia 29 dzion. Pastaŭki C.H.I.P. pakupnikam płanujecca pačać u mai 2016 hoda.
C.H.I.P. vyjšaŭ značna tańniejšym za raspaŭsiudžany siońnia adnapłatny kampjutar Raspberry Pi, što pradajecca za 25-35 dalaraŭ. Raspberry Pi byŭ vypuščany ŭ prodaž u 2012 hodzie, z taho času było pastaŭlena amal 5 młn ekzemplaraŭ.
Kamientary