Prafiesar BDU Kavaloŭ: Chaj kožny biełarus zadumajecca, što zmoža pradać u Kitai
Dekan ekanamičnaha fakulteta BDU Michaił Kavaloŭ raskazaŭ u efiry BT pra ciapierašniuju ekanamičnuju situacyju ŭ Biełarusi i ŭ śviecie.
«Ja aptymist u adnosinach da Hrecyi. Bo kali kraina pavinna bolš za paŭtryljona dalaraŭ inšym, kłapacicca pra hetuju prablemu pavinny tyja, kamu jana pavinna. Tamu ŭ Hrecyi davoli mocnaja pazicyja, — padzialiŭsia mierkavańniem jon.
«Ale ja piesimist u adnosinach Jeŭrasajuza, – pryznaŭsia Michaił Kavaloŭ. – I sprava nie tolki ŭ Hrecyi. Nie mienšyja daŭhi ŭ Partuhalii, Bielhii i hetak dalej. Defołt Hrecyi moža pryvieści da łancužkovaj reakcyi defołtaŭ. Plus inšyja prablemy… Ja ŭvohule vialiki piesimist u adnosinach da ŭsiaho Jeŭrasajuza».
Adnak prablemy dla Biełarusi jon u hetym nie bačyć: «Miarkuju, u hetaj situacyi jon (kryzis — «NN»), chutčej, budzie zakranać tolki Jeŭrasajuz i hramadzianaŭ Jeŭrasajuza.
Jeŭra ŭžo abvaliŭsia amal na tracinu, praciahnuŭ Kavaloŭ. «Ale ŭ Biełarusi heta amal nikoha nie zakranuła, bo biełarusy tradycyjna zachoŭvajuć aščadžeńni ci ŭ nacyjanalnaj valucie, ci ŭ dalarach», – supakoiŭ ekanamist.
«Hałoŭnaje, što adbyvajecca ŭ suśvietnaj ekanomicy – uzdym Kitaja. Va ŭsim śviecie papularnaja prymaŭka: kali ty chočaš vyžyć, ty pavinien prydumać tavar, jaki pradasi ŭ Kitai. Voś chaj kožny biełarus zadumajecca, što jon moža zrabić, kab pradać jaho ŭ Kitai», — paraiŭ dekan.
«Dla Biełarusi važniejšy Kitaj, zrazumieła, i Rasija. A Jeŭrasajuz istotny, ale zaŭsiody budzie kuplać biełaruskija naftapradukty, nikudy nie padzieniecca», — padsumavaŭ Kavaloŭ.
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary