Źnižeńnie kursu rasijskaha rubla praciahniecca ŭ druhoj pałovie 2015 hoda, havorycca ŭ dakładzie centra makraekanamičnych daśledavańniaŭ Śbierbanka.
Analityki Śbierbanka nazvali čatyry faktary, jakija patencyjna mohuć adbicca na rasijskaj ekanomicy.
U pieršuju čarhu — hrečaski kryzis, na druhim miescy — kryzis na kitajskim fondavym rynku. Na trecim — vychad Irana na suśvietny rynak nafty. I na čaćviortym — mahčymaje pavyšeńnie klučavoj staŭki fiederalnaj reziervovaj sistemy ZŠA.
Na dumku analitykaŭ, situacyja na kitajskim fondavym rynku moža niehatyŭna adbicca na suśvietnym popycie na syravinu i mietały, vychad Irana na suśvietny rynak nafty — na cenach na naftu. Pry hetym u Śbierbanku adznačyli, što «pramy efiekt Hrecyi dla Rasii vielmi mały, ale nielha vyklučać novyja ryzyki».
«U vyniku, niehatyŭny ŭpłyŭ zvodzicca da źnižeńnia koštaŭ na syravinu, nievialikim paskareńni adtoku kapitału i dadatkovym źnižeńni kursu rubla», — zaklučyli ekśpierty. Adnak, na dumku Śbierbanka, upłyŭ pieraličanych faktaraŭ budzie bolš miakkim z-za izalavanaści rasijskaj ekanomiki ad suśvietnych rynkaŭ.
Kamientary