Člen pałaty pradstaŭnikoŭ kanhresa ZŠA ad štata Kalifornija Dana Rorabakier 3 žniŭnia ŭ Minsku na sustrečy z Alaksandram Łukašenkam prapanavaŭ Biełarusi i ZŠA pavysić uzrovień dypłamatyčnaha pradstaŭnictva, paviedamlaje dziaržaŭnaje infarmahienctva BiełTA.
«My chočam prasoŭvać mir i supracoŭnictva ŭ miežach rehijonu i pamiž dziaržavami ŭsiaho śvietu, i ja spadziajusia, što hetyja mirnyja namahańni raspačnucca mienavita siońnia i atrymajuć svajo raźvićcio», — skazaŭ amierykanski parłamientaryj.
Na jaho dumku, pieršym krokam u hetym kirunku moža być pavyšeńnie ŭzroŭniu dypłamatyčnaha pradstaŭnictva i viartańnie pasła ZŠA ŭ Minsk i pasła Biełarusi — u Vašynhton.
Rorabakier adznačyŭ, što heta pieršy za doŭhija hady vizit kanhresmienaŭ ZŠA ŭ Biełaruś. «I hety pieryjad padzaciahnuŭsia. My pavinny byli abmieńvacca vizitami čaściej. Ja spadziajusia, što hety vizit prosta pieršy z mnohich, i jon adkryje novyja mahčymaści dla našych uzajemaadnosinaŭ», — skazaŭ amierykanski parłamientaryj.
«Ja byŭ rady ŭbačyć u Biełarusi toje, što ŭbačyŭ. I taja karcina, jakaja mnie adkryłasia, addaje naležnaje vašym namahańniam i namahańniam vašaj krainy, jakija byli zroblenyja dla naroda. I ja spadziajusia, što ŭ vas jość jašče mnohija rečy, jakimi možna hanarycca, i što ŭ nas sapraŭdy isnuje mnostva śfier dla supracoŭnictva», — zajaviŭ Rorabakier.
Nahadajem, kolkaść supracoŭnikaŭ pasolstva ZŠA ŭ Minsku była skaročanaja pavodle patrabavańnia biełaruskaha boku z 35 čałaviek da piaci ŭ sakaviku 2008 hoda z-za ŭviadzieńnia ZŠA sankcyj da dziaržkancerna «Biełnaftachim» u suviazi z parušeńniami pravoŭ čałavieka. Nieŭzabavie paśla hetaha pasoł Biełarusi ŭ ZŠA Michaił Chvastoŭ byŭ adklikany z Vašynhtona dla kansultacyj, a Minsk pa nastajańni biełaruskaha boku pakinuła pasoł Karen Ściuart. U 2014 hodzie biełaruski bok dazvoliŭ pavialičyć štat pasolstva ZŠA ź piaci da šaści čałaviek.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary