Finansavaja milicyja pa vynikach pravierki KUVP «Połacki vinarobny zavod» raspačała kryminalnyja spravy ŭ dačynieńni da kiraŭnikoŭ pradpryjemstva i šerahu kamiercyjnych struktur, paviedamlaje pres-słužba Kamiteta dziaržkantrolu.
Fakty parušeńnia zakanadaŭstva, u pryvatnaści šmatlikija zakupki syraviny i tavarna-materyjalnych kaštoŭnaściej dla Połackaha vinzavoda praz pasrednikaŭ, byli vyjaŭleny ŭ pieršym paŭhodździ 2015 hoda. Pry hetym zakupki ažyćciaŭlalisia, minajučy vytvorcaŭ, a ŭ asobnych vypadkach tavary dla patreb zavoda zakuplalisia praź sietku pasrednikaŭ, kožny ź jakich atrymlivaŭ svoj dadatkovy prybytak, jaki apłačvaŭ vinzavod.
Pryčynieny vinzavodu ŭron aceńvajecca ŭ pamiery nie mienš čym 32 młrd rubloŭ.
Pa vynikach apieratyŭna-vyšukovych i pravieračnych mierapryjemstvaŭ raspačata sprava pa č. 6 art. 16 i č. 3 art. 424 Kryminalnaha kodeksa (złoŭžyvańnie ŭładaj abo słužbovymi paŭnamoctvami z pryčynieńniem uronu ŭ asabliva bujnym pamiery).
Akramia taho, u dačynieńni da ŭdzielnikaŭ hetaj hrupy raspačata jašče 11 kryminalnych spraŭ (bolšaść ź ich — karupcyjnyja) pa roznych epizodach złačynnaj dziejnaści.
Praviedziena bolš za 10 vobyskaŭ, u chodzie jakich kanfiskavanyja klučy addalenaha dostupu «Klijent-Bank», kampjutarnaja technika, buchhałtarskija dakumienty i inšyja nośbity infarmacyi.
Z metaj kampiensavańnia niezakonna atrymanaha dachodu i ŭronu, pryčynienaha dziaržavie, na majomaść fihurantaŭ (katedž, kvatery, darahija aŭtamabili, arhtechnika) i hrašovyja srodki na ahulnuju sumu bolš za 5 młrd rubloŭ nakładzieny aryšt. Akramia taho, prypynieny raschodnyja apieracyi na raźlikovych rachunkach troch kamiercyjnych pradpryjemstvaŭ, na jakich aryštavana bolš za 2 młrd rubloŭ.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary