U piatnicu ambasadar Polščy ŭ Maskvie Katažyna Pełčyńska-Nałenč była vyklikanaja ŭ rasijski MZS, dzie joj byŭ zajaŭleny rašučy pratest u suviazi z apahańvańniem bolš za 50 nadmahilnych plit i pomnikaŭ na mahiłach savieckich sałdat, paviedamlaje źniešniepalityčnaje viedamstva RF.
«Rasijski bok patrabuje pryniaćcia vyčarpalnych mier dla pošuku i pakarańnia złačyncaŭ, nieadkładnaha adnaŭleńnia źniaviečanych na mohiłkach u Milejčycach nadmahillaŭ, a taksama aficyjnych tłumačeńniaŭ polskaha boku ŭ suviazi z aburalnym nievykanańniem svaich abaviazacielstvaŭ pa abaronie rasijskich voinskich pachavańniaŭ», — havorycca ŭ zajavie MZS.
U piatnicu polskaja palicyja paviedamiła ab tym, što vandały apahanili kala 60 mahił savieckich sałdat u vioscy Milejčycy na ŭschodzie krainy.
Nieviadomyja adłamali čyrvonyja zorki ad mahilnych kamianioŭ i raskidali ich pa mohiłkach. Jany taksama źbili try pomniki na mahiłach, pieradajuć miascovyja ŚMI.
Polskaja palicyja ŭžo pačała rasśledavańnie hetaha incydentu, vinavatym pahražaje da piaci hadoŭ źniavoleńnia, paviedamlaje Frans pres.
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii10
Kamientary