Bieły dom pahadziŭsia pakinuć prezidenta Siryi Bašara Asada va ŭładzie, jaho budučynia budzie abmiarkoŭvacca na pieramovach z pryčyny siryjskaj prablemy ŭžo ŭ bližejšy čas, piša ŭ čaćvier, 29 kastryčnika, The Wall Street Journal.
Los Bašara Asada Bieły dom abmiarkoŭvaje z sajuźnikami, u tym liku i Turcyjaj. Rezalucyja, nad jakoj pracujuć ZŠA, uklučaje ŭ siabie spynieńnie ahniu, taksama jana nie budzie «zaŭčasna vyrašać pytańnie nakont Asada».
Źjaŭleńnie «novych realnaściaŭ», tłumačyć WSJ, źviazana z Rasijaj i Iranam, jakija abvastryli vajennyja apieracyi dziela padtrymki Asada. Taksama svoj upłyŭ akazvaje i situacyi, ź jakimi ZŠA sutyknulisia padčas apieracyi suprać «Isłamskaj dziaržavy».
Na sustrečy ŭ Vienie, jakaja projdzie 30 kastryčnika, buduć pradstaŭniki Rasii, Irana, sam Asad, a taksama bolš za dziasiatak ministraŭ zamiežnych spraŭ ź Jeŭropy i Siaredniaha Uschodu.
Krynicy raspaviali, što dziaržsakratar ZŠA Džon Kiery, jaki prybyŭ u Vienu jašče 29 kastryčnika, aktyvizavaŭ dyskusii z hałoŭnymi supiernikami Asada — Turcyjaj i Kataram. Jon, pa słovach surazmoŭcaŭ, sprabuje atrymać ich padtrymku dypłamatyčnaj rezalucyi, jakaja dazvolić Asadu zastacca va ŭładzie padčas pierachodnaha pieryjadu.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary