U stalicy da 3 krasavika projduć płanavyja raboty na źniešnich vodapravodnych sietkach. Časovyja adklučeńni chałodnaj vady zakranuć dziasiatki adrasoŭ u roznych rajonach horada, paviedamili ŭ «Minskvadakanale».
Kamunalniki papiaredžvajuć: u damach pa susiedstvie z ramontnymi ŭčastkami mahčymyja karotkačasovyja paharšeńni jakaści vady.
Aŭtorak, 31 sakavika
Uviečary ŭ aŭtorak budzie dziejničać načny hrafik pa vulicy Bałotnikava (z 22:00 da 3:00 1 krasavika) i dadaduć novyja adrasy. Z 23:00 da 6:00 sierady biez vady zastanucca žychary praśpiekta Niezaležnaści, 64, i praktyčna ŭsich damoŭ na vulicy P. Broŭki — ad 2 da 18/2.
Z 23:00 aŭtorka da 8:00 sierady adklučać vulicy Rumiancava (4) i Frunze (3). A z 23:30 da 6:00 sierady — vulicu Siarova (1A, 3A, 5A, 24, 26, 28/1, 30, 32, 34).
Sierada, 1 krasavika
Udzień u sieradu, z 9:30 da 23:00, chałodnaj vady nie budzie pa adrasie vulica Łabanka, 26. A z 23:00 da 6:00 čaćviarha — na vulicy Chałturyna, 28.
Čaćvier, 2 krasavika
Z 9:00 da 16:00 adklučać vulicu Ramanaŭskaja Słabada, 1. Uviečary i ŭnačy čakajecca samaja maštabnaja zona adklučeńnia. Z 20:00 čaćviarha da 6:00 piatnicy biez vady zastanucca: 1‑y Junacki zavułak (2, 4, 6, 7), Enierhietyčny prajezd (1, 2, 3, 5), a taksama damy na vulicach Vaśniacova (36, 38, 40, 44, 46, 50, 71, 73, 75, 79, 85, 89), Hrekava (11, 13, 15, 16, 17, 19, 21, 25, 27, 29) i Surykava (15, 18, 20, 22, 24, 26, 28).
Akramia taho, z 22:00 čaćviarha da 6:00 piatnicy adklučać praśpiekt Haziety «Źviazda» (damy 9 i 31).
Piatnica, 3 krasavika
Apošniaje adklučeńnie tydnia — karotkaje, z 20:00 da paŭnočy. Vady nie budzie pa adrasach vulica Dniaproŭskaja, 13, i vulica Budaŭnikoŭ, 1, 2, 4.
Kamientary