Vajenny samalot z rasijskaj avijacyjnaj hrupy ŭ Siryi zalacieŭ u kantralavanuju Izrailem pavietranuju prastoru na adnu milu i biez pryhod pakinuŭ jaho.
Z takim śćviardžeńniem vystupiŭ izrailski ministr abarony Moše Jaałon u efiry radyjostancyi «Kol Israel» («Hołas Izraila»).
«Była nievialikaja pamyłka, i piłot zalacieŭ u našu pavietranuju prastoru na adnu milu, — skazaŭ kiraŭnik abaronnaha viedamstva Izraila. — Ź im (piłotam) adrazu vyjšli na suviaź, jon nieadkładna źmianiŭ kurs i viarnuŭsia ŭ Siryju». Jaałon nie staŭ nazyvać datu, kali byŭ zafiksavany incydent.
Jaałon adznačyŭ: «Pakolki rasijskija samaloty nie nanosiać pa nas udaraŭ, niama nieabchodnaści ich aŭtamatyčna źbivać».
«Jak my nie pieraškadžajem im (rasijskim VKS) dziejničać i nie ŭmiešvajemsia ŭ toje, što adbyvajecca ŭ Siryi, hetak ža i jany nie pieraškadžajuć nam latać i dziejničać u adpaviednaści z našymi intaresami», — skazaŭ izrailski ministr abarony.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni6
Kamientary