Historyja adbyłasia hetym letam na voziery «Vałodźkava». Dvoje mužčyn (27 i 28 hadoŭ) vyrašyli zładzić viečarynu la vady. Zaprašeńni svaim siabram i znajomym razasłali praz sacsietki. U vyniku na načnoje mierapryjemstva sabrałosia kala 30 čałaviek, jakija pryjechali na asabistych aŭto.
Prosta na bierazie ŭstalavali pieranosnyja kałonki, jakija padklučyli da noŭtbuka. Śpiecyjalna dla tancplaca «arhanizatary» navat skasili travu.
U hety ž samy čas na hetym ža samym bierazie prachodziła inšaje mierapryjemstva — fiestyval pa spartyŭnaj łoŭli ryby śpininham «Favaryt Fišynh Fest», u jakim brali ŭdzieł amal 60 čałaviek. Jaho arhanizatar — Homielski rybałoŭny kłub — dazvoł na praviadzieńnia fiestyvalu atrymaŭ. Dla rybakoŭ pastavili navat handlovy furhončyk, dzie pa damoŭlenaści napoi i ježu kuplali taksama i načnyja tusoŭščyki.
Mahčyma, tancy pad miesiacam tak i zastalisia b niezaŭvažanymi, kali b nie hučnaja muzyka. Jaje čuli navat na druhim bierazie voziera. Jak raspaviała staršy pamočnik prakurora Homiela Jaŭhiena Markaviec, čaćviora hamielčukoŭ toj nočču navat telefanavali ŭ milicyju i skardzilisia na viečarynu. Adnak vartavyja paradku adrazu znajści aktyŭnych adpačyvalnikaŭ nie zmahli. Ale ŭ vyniku za parušeńnie paradku praviadzieńnia masavych mierapryjemstvaŭ kožnaha hora-dydžeja sud aštrafavaŭ na 20 bazavych vieličyń. Darečy, pa hetym ža artykule (23.34 Administracyjnaha kodeksa RB) u vobłaści z pačatku hoda aštrafavanyja 11 čałaviek, jašče trom vyniesiena papiaredžańnie.
A jak pa zakonie?
Arhanizataru masavaha mierapryjemstva nie paźniej čym za 15 dzion nieabchodna padać zajavu ŭ miascovy vykanaŭčy i rasparadčy orhan. U zajavie pakazać datu praviadzieńnia, mierkavanuju kolkaść udzielnikaŭ, źviestki pra arhanizataraŭ, a taksama miery, jakija buduć pryniatyja pa achovie hramadskaha paradku, miedycynskim absłuhoŭvańni i ŭborcy terytoryi paśla mierapryjemstva. Adkaz ab dazvole abo zabaronie (z ukazańniem pryčyn) pavinien pryjści ŭ piśmovym vyhladzie nie paźniej, čym za 5 dzion da daty praviadzieńnia masavaha mierapryjemstva.
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA56
Kamientary