Pozna ŭviečary hareŭ adkrytym połymiem dom u vioscy Vialikaje Chonava. Ratavalniki znajšli ŭ adnym z pakojaŭ čatyry trupy.
17 studzienia ŭ 23:42 miascovyja žychary paviedamili ratavalnikam pra pažar u pryvatnym žyłym domie ŭ vioscy Vialikaje Chonava.
Kali ratavalniki pryjechali, dom hareŭ adkrytym połymiem, stvaryłasia ščylnaje zadymleńnie.
U adnym z pakojaŭ rabotniki MNS znajšli čatyroch zahinułych.
Jak paviedamlaje SK, papiarednie, siarod zahinułych — 65‑hadovy mužčyna, jaho dački (29 i 33 hady), a taksama 30‑hadovy žychar susiedniaj vioski. Jašče adna žančyna, 61‑hadovaja haspadynia doma, zdoleła samastojna vybracca z ahniu.
Pavodle papiarednich źviestak śledstva, napiaredadni ŭ domie prachodziła zastolle z nahody viartańnia znajomaha dačok, jaki niadaŭna pryjechaŭ z zarobkaŭ. U dzień trahiedyi zahinułyja nabyli ŭ miascovaj kramie śpirtnyja napoi i śviečki — elektryčnaść u domie była adklučanaja za niavypłatu.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary