Bolš za tysiaču pastuchoŭ prarvali palicejskija zaharody i ŭvarvalisia na terytoryju parłamienta Rumynii, pratestujučy suprać zakona, jaki abmiažoŭvaje kolkaść pastuchovych sabak.
Na akcyju pratestu pryjechali kala 4 tysiač uładalnikaŭ žyvioły ź sielskich rajonaŭ krainy. Niekatoryja z pratestoŭcaŭ, jakija sabralisia na hałoŭnaj płoščy Bucharesta, byli apranutyja ŭ aviečyja škury i hučna dudzieli ŭ ražki. Sabaki ŭ akcyi nie ŭdzielničali.
Kala budynka parłamienta pačalisia sutyčki demanstrantaŭ sa śpiecpadraździaleńniami palicyi, jakija ŭžyli suprać pratestujučych ślozaciečny haz.
Abureńnie pastuchoŭ vyklikaŭ niadaŭna pryniaty zakon, jaki abmiažoŭvaje lik aŭčarak, što achoŭvajuć aviečyja čarody — nie bolš za adnu na statak, jaki pasiecca na adkrytaj miascovaści, i nie bolš za try ŭ harach, — a taksama uviedzienaja zabarona na vypas svojskich žyvioł u pieryjad sa śniežnia pa krasavik.
Aŭtary zakona kažuć, što jon nakiravany na abaronu pravoŭ palaŭničych i navakolnaha asiarodździa.
Pavodle aficyjnych dadzienych, pahałoŭje drobnaj rahataj žyvioły ŭ Rumynii składaje 11,5 młn — 10 młn aviečak i 1,5 młn koz.
-
Lidary ES damovilisia vydzielić Ukrainie 90 młrd jeŭra. Zamarožanyja rasijskija aktyvy vykarystoŭvacca nie buduć
-
Tramp zahadaŭ uvieści «poŭnuju i kančatkovuju» błakadu ŭsich tankieraŭ, jakija zachodziać u Vieniesuełu
-
U Kazachstanie byli rašuča nastrojenyja adstralać kala miljona sajhakaŭ, ale žyvioły schavalisia ŭ Rasii
Ciapier čytajuć
Načalnik milicyi Brahina stralaŭ u svaju žonku. Jana cudam vyžyła10
Kamientary