Łukašenku cikavić nastroj u pracoŭnych kalektyvach z ulikam situacyi ŭ ekanomicy
Pra heta Alaksandr Łukašenka zajaviŭ siońnia na sustrečy sa staršynioj Fiederacyi prafsajuzaŭ Biełarusi Michaiłam Ordam.
«Ciapier naša zadača — farmiravać tam, dzie heta treba, kirujučy kaściak viertykali ŭłady i nie padmanuć ludziej. Heta hałoŭnaja naša zadača. Choć my tam i nie abiacali niejkija załatyja hory, tym nie mienš ludzi ž zaŭsiody čakajuć lepšaha. I treba pa maksimumie zrabić heta lepšaje», — padkreśliŭ Łukašenka.
Jon adznačyŭ, što jaho cikavić nastroj ludziej u pracoŭnych kalektyvach z ulikam isnujučaj situacyi ŭ ekanomicy.
«Hod budzie vielmi składanym. I sami vinavatyja, asabliva našy susiedzi navaracili prablem bolš, čym dastatkova. I napeŭna, jašče patrebnyja buduć hady, kab ich razhrabać. Heta ich prablemy, ale prablemy i našy, pakolki heta asnoŭnyja našy rynki — Rasija, Ukraina, Kazachstan. Ź Jeŭrasajuzam usio nie tak prosta. Našu pradukcyju tudy, viedajecie, puskajuć praź pień-kałodu. Jany vielmi mocna abaranili svoj rynak, tudy nie prarviešsia z toj pradukcyjaj, jakaja jość u nas. U płanie taho, što my vyrablajem tuju namienkłaturu, jakaja ŭ ich jość — tyja ž traktary, aŭtamabili, pradukty charčavańnia, adzieńnie. Navat kali my pa jakaści i canie lepš, nas usio roŭna tudy nie puściać, prynamsi, prabivacca tudy vielmi składana», — skazaŭ kiraŭnik dziaržavy.
«Tamu vychodzim dalej, na dalokuju duhu, praz Vjetnam, Indanieziju, Blizki Uschod, Afryku, Łacinskuju Amieryku, tam sprabujem niešta pradać, u Złučanyja Štaty Amieryki, dzie vielmi vyhadny rynak, niejak pavoli. Ale heta ŭsio niaprosta. Ludzi pavinny heta razumieć», — dadaŭ Łukašenka.
Łukašenka pacikaviŭsia taksama pra toje, jakija daručeńni zastalisia niavykananymi paśla VII Źjezda Fiederacyi prafsajuzaŭ Biełarusi. Kiraŭnik dziaržavy padkreśliŭ, što ŭsio, što było abiacana na źjeździe, nieabchodna realizavać.
Michaił Orda adznačyŭ, što ŭdałosia vyrašyć mnohija pytańni, jakija chvalujuć pracaŭnikoŭ.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary