U nastupnym hodzie limit źniešniaha dziarždoŭhu Biełarusi składzie 17 młrd. dołaraŭ. Heta praduhledžana zakonaprajektam ab respublikanskim biudžecie na 2016 hod, jaki apublikavaŭ Minfin.
Pavodle prajekta zakona, pryniataha parłamientam na minułym tydni, limit unutranaha dziaržaŭnaha doŭhu ŭstanoŭleny na 2016 hod u 115 trłn. rubloŭ. Limit unutranaha doŭhu, harantavanaha ŭradam, składzie 66 trłn. rubloŭ.
Limit źniešniaha dziarždoŭhu Biełarusi praduhledžany ŭ 17 młrd. dołaraŭ, u toj čas jak limit źniešniaha doŭhu, harantavanaha ŭradam, — 3,5 młrd. dołaraŭ.
Kali faktyčnyja pamiery ŭnutranaha i (ci) źniešniaha daŭhoŭ, harantavanych uradam, buduć pieravyšanyja nad zaćvierdžanymi limitami, «rašeńni ab davańni novych harantyj nie prymajucca», adznačajecca ŭ zakonaprajekcie.
Varta zaŭvažyć, što pryniaty parłamientam zakonaprajekt ab biudžecie jašče pavinien prajści stadyju zaćviardžeńnia prezidentam.
Pavodle źviestak Ministerstva finansaŭ, unutrany dziarždoŭh Biełarusi na 1 listapada 2015 hoda skłaŭ 80,1 trłn. rubloŭ i pavialičyŭsia z pačatku hoda na 31,7 trłn. rubloŭ. Źniešni dziarždoŭh na hety ž pieryjad skłaŭ 12,5 młrd. dołaraŭ, źmienšyŭšysia z pačatku hoda na 90,5 młn. dołaraŭ.
Biełaruskija ŭłady viaduć pieramovy ab atrymańni dvuch bujnych zapazyčańniaŭ — kredytaŭ Jeŭrazijskaha fondu stabilizacyi i raźvićcia na 2 młrd. dołaraŭ i Mižnarodnaha valutnaha fondu na 3 młrd. dołaraŭ. Akramia taho, u 2016 hodzie ŭrad płanuje raźmiaścić novy vypusk jeŭrabondaŭ i za košt hetaha pryciahnuć jašče 1 młrd. dołaraŭ.
Častku novych zapazyčańniaŭ ułady płanujuć nakiravać na refinansavańnie starych daŭhoŭ. Płaciažy pa absłuhoŭvańni i pahašeńni źniešniaha dziarždoŭhu, jakija nieabchodna ažyćciavić u 2016 hodzie, Minfin aceńvaje ŭ 3,3 młrd. dołaraŭ.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary