U Biełarusi płanujecca ŭvieści adkaznaść za nieprybrany śnieh vakoł asabistaha aŭtatranspartu. Pra heta paviedamiŭ siońnia žurnalistam ministr žyllova-kamunalnaj haspadarki Alaksandr Cierachaŭ.
«Raspracavany prajekt narmatyŭna-pravavoha akta, jaki praduhledžvaje kampietencyju miascovych orhanaŭ ułady zaćviardžać praviły dobraŭparadkavańnia, u jakich buduć vyznačanyja patrabavańni da ŭtrymańnia terytoryj. My kažam: toje, što siońnia ludzi vyjšli i zrabili dobraachvotna, budzie abaviazkam», — adznačyŭ Cierachaŭ.
Pavodle jaho słoŭ, prablema ŭborki dvaroŭ ad śniehu zastajecca aktualnaj. «Mahistralnyja vulicy ŭžo ŭ pryncypie ačyščanyja, nie było dapuščana surjoznych zbojaŭ u ruchu hramadskaha transpartu. Ale voś dvarovyja terytoryi, stajanki aŭtatranspartu ŭjaŭlajuć dla nas peŭnuju prablemu», — kanstatavaŭ ministr. Asabliva vostra jana staić u Minsku.
Alaksandr Cierachaŭ padziakavaŭ tym, chto dapamoh kamunalnym słužbam z rasčystkaj dvarovych terytoryj. «Ludzi pačuli zaklik i vyjšli na rasčystku. Ale, na žal, zastalisia i niadbajnyja haradžanie, da jakich nieabchodna ŭžyvać miery administracyjnaha ŭździejańnia. Jość aŭtamabili, jakija nie prosta pakidajuć na noč pastajać u dvarach, ale kidajuć na try, piać, siem dzion, niekatoryja nie vyjazdžali z pačatku zimovaha pieryjadu», — rastłumačyŭ jon.
Novaŭviadzieńnie budzie nakiravana na toje, kab hramadzianie ŭ abaviazkovym paradku prybirali terytoryju. «Zadača — nie aštrafavać, nie pryciahnuć da adkaznaści. My chočam, kab hramadzianie vychodzili i prybirali terytoryju vakoł svaich aŭtamabilaŭ. I tym samym zrabili žyćcio praściejšym i sabie, i navakolnym», — skazaŭ Cierachaŭ.
Charaktaryzujučy situacyju ŭ cełym, Alaksandr Cierachaŭ kanstatavaŭ, što praviedzienaja praca pa padrychtoŭcy žyllova-kamunalnaj haspadarki da asieńnie-zimovaha pieryjadu prynosić svoj plon. Nasielnictva zabiaśpiečana nieabchodnym abjomam jakasnych kamunalnych pasłuh, nie dapuščana surjoznych pierapynkaŭ u vodazabieśpiačeńni, vodaadviadzieńni.
«Byli momanty adklučeńnia kacielniaŭ pa Minskaj i Mahiloŭskaj abłaściach, ale dziakujučy svoječasovym mieram miascovych uładaŭ spažyŭcy byli pieraklučanyja na mabilnyja abo reziervovyja krynicy siłkavańnia, tamu ciepłazabieśpiačeńnie ažyćciaŭlałasia ŭ štatnym režymie. Arhanizacyi ŽKH hatovyja da vyklikaŭ i pahroz, jakija prynosić z saboj niepahadź», — padsumavaŭ jon.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary