U Mahilovie darožnyja budaŭniki pry pašyreńni Puškinskaha praśpiekta na levym bierazie Dniapra znajšli padmurak Trajeckaj carkvy, jaki dobra zachavaŭsia.
Prychod Trajeckaj carkvy byŭ zasnavany ŭ ChVI stahodździ, draŭlanaja carkva viadomaja z ChVII stahodździa. U 1792 hodzie mahiloŭskaje pradmieście Łupałava ŭpryhožyła kamiennaja Trajeckaja carkva, jakaja znachodziłasia amal na samym bierazie Dniapra. Kančatkova carkva była razburanaja ŭ 1950-ja hady.
«Zaŭčora buldozier vypadkova začapiŭ frahmient padmurka. Byli vyklikanyja archieołahi, u pryvatnaści Ihar Alaksandravič Marzaluk byŭ na miescy ŭžo zaŭčora viečaram. Tut ža padniali ŭsich zacikaŭlenych asob harvykankama, jakija adkazvajuć za zachavańnie historyka-kulturnaj spadčyny», — raskazaŭ dyrektar Muzieja historyi Mahilova Alaksiej Baciukoŭ, jaki ŭziaŭ udzieł u vałanciorskich pracach pa ačyščeńni ad hruntu padmurka carkvy.
Raniej ličyłasia, što na miescy Trajeckaj carkvy paśla była prakładzienaja aŭtamabilnaja daroha, jakaja stała Puškinskim praśpiektam. Adnak, jak adznačaje Baciukoŭ, mahčyma, daroha prachodzić tam, dzie była zvanica pry chramie. «U nas jość niamieckija aerafotazdymki 1941 hoda. Tam dakładna budzie vidać, dzie znachodziłasia zvanica», — skazaŭ dyrektar muzieja, adznačyŭšy, što hetaje pytańnie jašče nieabchodna vyvučyć.
Budaŭničyja raboty pa pašyreńni Puškinskaha źviazanyja z rekanstrukcyjaj mosta praz Dniapro. Zhodna z prajektam, pobač pavinna źjavicca viełasipiednaja darožka, jakaja, jak ciapier vyjaviłasia, stała b prachodzić jak raz pa znojdzienym padmurku.
Ciapier vałanciory vyzvalajuć padmurak ad hruntu i dziornu. Jany majuć namier abharadzić jaho ad darožna-budaŭničych rabot, zajaviŭ adzin z vałancioraŭ. Pry rasčystcy padmurka imi vyjaŭlenyja niekalki kostak čałaviečaha čerapa. Vałanciory zajavili pra znachodku pravaachoŭnym orhanam. Na miesca vyjazdžali supracoŭniki milicyi, Śledčaha kamiteta, ekśpierty. Pra toje, kali žyŭ čałaviek, čyje kostki byli znojdzienyja pobač z padmurkam, pavinna adkazać ekśpiertyza.
«Ciapier aktualnaja zadača — chadajničać pierad upraŭleńniem kamunalnaha budaŭnictva harvykankama, kab źmianili prajekt dziela zachavańnia padmurka. Jość mahčymaść zachavać padmurak, muziejefikavać jaho i adnavić chram», — upeŭnieny dyrektar Muzieja historyi Mahilova.
U svaju čarhu kiraŭnik Mahiloŭskaj haradskoj arhanizacyi «Tavarystva biełaruskaj movy» Aleh Dziačkoŭ, jaki taksama biare ŭdzieł u vałanciorskaj pracy, ličyć, što najbolš aptymalnym varyjantam było b stvaryć pamienšanuju kopiju Trajeckaj carkvy, jakaja była pabudavanaja ŭ styli kłasicyzmu.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak26
Kamientary