Kiraŭnik Čačni Ramzan Kadyraŭ u efiry telekanała «Rasija-1» zajaviŭ, što na terytoryi Siryi dziejničajuć bajcy čačenskaha śpiecnaza. Siužet pra čačenski śpiecnaz byŭ pakazany 7 lutaha ŭ efiry prahramy «Viesti niedieli» jak anons filma Alaksandra Rahatkina, jaki vyjdzie ŭ prahramie «Śpiecyjalny karespandent» ŭviečary 10 lutaha.
«Centr sił śpiecyjalnaha pryznačeńnia pad Centarojem. U Čačni mienavita tut prachodzili padrychtoŭku bajcy, jakija ciapier dziejničajuć u Siryi ŭ tyle ŭ IDIŁ. Pryjšoŭ čas raskazać pra tych, chto zabiaśpiečvaje pośpiech rasijskaj avijacyi na ziamli canoj ułasnaha žyćcia», — havorycca ŭ siužecie.
Ramzan Kadyraŭ, hołas jakoha hučyć za kadram, paviedamlaje, što ŭdałosia stvaryć razhalinavanuju ahienturnuju sietku niepasredna ŭ samoj «Isłamskaj dziaržavie».
«Tudy byli nakiravany najlepšyja bajcy respubliki. Jany źbirajuć infarmacyju ab struktury, kolkaści terarystaŭ, vyznačajuć mety dla bambavańniaŭ i fiksujuć ich vynik», - havorycca ŭ siužecie.
Kadyraŭ taksama raspavioŭ, što ahienty śpiecsłužbaŭ z Čačni jašče ŭ samym pačatku hramadzianskaj vajny ŭ Siryi byli pad prykryćciom adpraŭlenyja ŭ łahiery dla padrychtoŭki bajevikoŭ, jakija vyznajuć vachabizm. «Instruktary tam byli z nataŭskich dziaržaŭ», — śćviardžaje kiraŭnik Čačni.
Pres-sakratar prezidenta RF Dźmitryj Piaskoŭ pieraadrasavaŭ u siłavyja viedamstvy pytańnie ab udziele śpiecnaza z Čačni ŭ naziemnaj śpiecapieracyi ŭ Siryi. Pry hetym Piaskoŭ nahadaŭ, što «Minabarony RF nieadnarazova tłumačyła, chto znachodzicca ŭ Siryi, ź jakoha momantu i čym jany tam zajmajucca».
-
ZŠA zdoleli ŭratavać svajho piłota sa źbitaha samalota ŭ Iranie. Ale byŭ jašče i druhi
-
Były hiensak NATA razhladaŭ mahčymaść vyvadu vojskaŭ aljansu z krain Bałtyi, kab załahodzić Pucina
-
«My sami prymiem heta rašeńnie». Pucin u Kramli pastaviŭ pierad Nikołam Pašynianam pytańnie rubam, toj trymaŭsia hodna
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami31
Kamientary