Kiraŭnik akupacyjnaj ułady Kryma Siarhiej Aksionaŭ zajaviŭ prezidentu RF Uładzimiru Pucinu, što ŭ Krymu nie buduć padmanvać «našaha rasijskaha turysta».
Pra heta Aksionaŭ skazaŭ na sustrečy z kiraŭnikom RF.
«Hałoŭnaja zadača da kurortnaha siezonu — nie rasčaravać našaha rasijskaha turysta: pavinna być pradstaŭlena dakładnaja infarmacyja, u tym liku i pa režymach pracy kurortnych ustanoŭ — z ulikam deficytu elektraenierhii. Taki hrafik užo sfarmavany, usie sanatoryi i damy adpačynku buduć atrymlivać elektraenierhiju na pastajannaj asnovie, biez adklučeńniaŭ. Tamu na kurortny siezon heta nijak nie paŭpłyvaje. Dziakujučy tamu, što vy kamandu Ministerstvu enierhietyki svoječasova dali, jany paskoryli ŭ dadzienym vypadku praces vykanańnia rabot, z elektraenierhijaj nie budzie lišku, tym nie mienš zmožam prajści siezon biez strat», — skazaŭ Aksionaŭ.
Taksama jon «pachvaliŭsia» prezidentu RF, što adklučeńnie ad elektryčnaści žycharoŭ paŭvostrava składaje nie bolš za 8 hadzin u sutki.
«Z 22 listapada ŭ Krymie dziejničaje režym nadzvyčajnaj situacyi, źviazany z praviadzieńniem terarystyčnaha aktu na terytoryi sumiežnaj dziaržavy. Tym nie mienš, niahledziačy na toje, što Krym byŭ abiastočany, płany terarystaŭ i kiraŭnictva Ukrainy pravalilisia. Na try tydni raniej byŭ uviedzieny enierhamost Tamań — Kubań. Na siońniašni dzień udałosia sfarmavać hrafiki. Režym adklučeńnia žyłoha siektara składaje nie bolš za 8 hadzinie na terytoryi Respubliki Krym. Pry hetym usie pramysłovyja pradpryjemstvy pracujuć, płany rabot uzhodnieny z rehijanalnymi štabami», — zajaviŭ Aksionaŭ.
Kamientary