Bajeviki terarystyčnaj hrupoŭki «Isłamskaja dziaržava» raspaŭsiudzili 25-chvilinny videarolik z pahrozami ŭ adras zasnavalnika Facebook Marka Cukierbierha i stvaralnika Twitter Džeka Dorsi, paviedamlajuć infarmahienctvy.
Terarysty pahražajuć adpomścić Facebook i Twitter za namahańni pa baraćbie z raspaŭsiudžvańniem ekstremisckaha kantentu, a taksama za likvidacyju akaŭntaŭ isłamistaŭ.
Na videazapisy pakazana, jak chakiery ID na staronkach karystalnikaŭ Facebook i Twitter raźmiaščajuć prapahandysckija materyjały. Ekstremisty śćviardžajuć, što hrupoŭka ŭžo vyjaviła bolš za 10 tysiač profilaŭ Facebook, zvyš 150 hrup Facebook i amal 5 tysiač akaŭntaŭ Twitter.
«Kali vy zakryjecie adzin naš akaŭnt, my ŭ adkaz adkryjem 10 i ŭ chutkim časie satrom vašy imiony, kali likvidujem vašy sajty», — havorycca ŭ videaroliku.
Pradstaŭniki Facebook i Twitter pakul nie kamientujuć situacyju.
Kamientary