Minpracy: Paradak vypłaty piensii pracujučym piensijanieram zastajecca raniejšym
Paradak vypłaty piensii pracujučym piensijanieram zastajecca raniejšym, zajaviŭ namieśnik ministra pracy i sacyjalnaj abarony Valeryj Kavalkoŭ na anłajn-kanfierencyi.
«Pakul pytańnie ab źmianieńni paradku vypłaty piensii pracujučym piensijanieram nie razhladajecca», — adznačyŭ namieśnik ministra.
Adkazvajučy na pytańnie ab tym, čamu nie pieraraźličvajucca piensii z ulikam pieryjadu raboty paśla jaje naznačeńnia, Valeryj Kavalkoŭ rastłumačyŭ: «Piensijnyja pravy farmirujucca da naznačeńnia (atrymańnia) piensii. U pieryjad atrymańnia piensii farmiravańnie piensijnych pravoŭ spyniajecca. Tamu pieryjady raboty paśla naznačeńnia piensii zaličvajucca ŭ staž raboty tolki pry ŭmovie nieatrymańnia piensii ŭ hetyja pieryjady. Čałaviek sam pavinien vyrašyć, kali pačynać atrymlivać piensiju: raniej, ale zychodziačy sa stažu mienšaj praciahłaści, albo ŭ bolš poźnim uzroście, ale i ŭ bolšym pamiery. Pry hetym praduhledžvajecca bolš važkaje pavieličeńnie piensii pa ŭzroście za čas raboty paśla dasiahnieńnia ahulnaŭstanoŭlenaha piensijnaha ŭzrostu biez atrymańnia piensii».
Namieśnik ministra akcentavaŭ uvahu na tym, što dziejańnie zakanadaŭčaj normy ab premiravańni ŭ pamiery piensii za adkładzieny vychad na piensiju (heta značyć za pradaŭžeńnie raboty paśla dasiahnieńnia ahulnaha piensijnaha ŭzrostu pry ŭmovie nieatrymańnia piensii ŭ pieryjad hetaj raboty) zachoŭvajecca. Pracedurnyja pytańni, źviazanyja z realizacyjaj normy ŭ pierachodny pieryjad, kali budzie pavyšacca piensijny ŭzrost (heta značyć u 2017-2022 hadach), buduć detalova ŭdakładnieny ŭ pracesie pryviadzieńnia piensijnaha zakanadaŭstva ŭ adpaviednaść z ukazam numar 137.
Kamientary