Ministr abarony Rasii Siarhiej Šajhu zajaviŭ, što Złučanym Štatam prapanavana sumiesna nanosić udary pa pazicyjach bajevikoŭ u Siryi.
Pry hetym jon padkreśliŭ, što Rasija pakidaje za saboj prava, pačynajučy z 25 maja, u adnabakovym paradku źniščać u Siryi atrady, jakija nie spynili bajavyja dziejańni.
«My prapanujem ZŠA jak sustaršyni Mižnarodnaj hrupy padtrymki Siryi z 25 maja prystupić da sumiesnych dziejańniaŭ VKS Rasii i avijacyi kaalicyi, jakuju ŭznačalvajuć Złučanyja Štaty, pa płanavańni i naniasieńni ŭdaraŭ pa atradach «Džabchat an-nusry», niezakonnych uzbrojenych farmiravańniach, jakija nie padtrymlivajuć režym spynieńnia bajavych dziejańniaŭ, a taksama pa karavanach sa zbrojaj i bojeprypasami, uzbrojenych atradach, jakija niezakonna pierasiakajuć siryjska-tureckuju miažu, vyklučyć pry hetym udary pa hramadzianskich abjektach i nasielenych punktach», — zajaviŭ Šajhu.
Pavodle jaho słoŭ, dziakujučy pracy rasijskaha Centra pa prymireńni, na siońniašni dzień dasiahnutyja pahadnieńni ab pieramirji z kiraŭnikami 112 nasielenych punktaŭ u Siryi.
Jon taksama adznačyŭ, što dziakujučy namahańniam ZŠA amal 140 uzbrojenych farmiravańniaŭ dałučylisia da režymu spynieńnia bajavych dziejańniaŭ.
U toj ža čas pradstaŭnik ministerstva abarony ZŠA Džef Devis, kamientujučy paviedamleńnie ab prapanovie Rasii, skazaŭ, što, va ŭsiakim razie, pakul amierykanskija vojski nie kaardynujuć svaje dziejańni z rasijskimi vajskoŭcami.
«My nie atrymlivali takich prapanoŭ. I ja mahu tolki skazać, što ciapier my nie supracoŭničajem i nie kaardynujem svaje dziejańni z ruskimi ŭ Siryi», — skazaŭ pradstaŭnik Pientahona.
U lutym u Siryi nabyło moc pahadnieńnie ab spynieńni vajennych dziejańniaŭ. Umovy pieramirja, jak paviedamlałasia, nie raspaŭsiudžvajucca na ekstremisckija hrupoŭki, u tym liku na «Isłamskaja dziaržava».
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA4
Kamientary