Były deputat Mahiloŭskaha harsavieta Dźmitryj Birukoŭ, jaki ŭznačalvaŭ ŽREU Kastryčnickaha rajona Mahilova, vyzvaleny ad kryminalnaj adkaznaści paśla rašeńnia Alaksandra Łukašenki ab pamiłavańni. Infarmacyju pra heta BiełaPAN paćvierdzili ŭ abłasnoj prakuratury.
Nahadajem, u listapadzie 2014 hoda stała viadoma ab zaklučeńni pad vartu padazravanaha ŭ karupcyi deputata Mahiloŭskaha haradskoha savieta — dyrektara ŽREU Kastryčnickaha rajona horada. Śledstva vyjaviła, što narodny abrańnik z 2011 pa 2012 hod sistematyčna złoŭžyvaŭ svaimi słužbovymi paŭnamoctvami, naniosšy škodu kamunalnamu pradpryjemstvu bolš čym na 11 młn. rubloŭ.
Jak paviedamiła BiełaPAN staršy pamočnik prakurora Mahiloŭskaj vobłaści Alena Šumiejka, u dačynieńni da Birukova była rasśledavana kryminalnaja sprava pa č. 1 art. 210 (kradziež šlacham złoŭžyvańnia słužbovymi paŭnamoctvami) i č. 2 art. 424 (złoŭžyvańnie ŭładaj abo słužbovymi paŭnamoctvami) Kryminalnaha kodeksa. Pavodle jaje słoŭ, u 2015 hodzie abvinavačvany źviarnuŭsia da prezidenta z prośbaj ab pamiłavańni i jana była zadavolena ŭ kancy zimy hetaha hoda.
«Jon nie asprečvaŭ faktaŭ učynieńnia złačynstvaŭ i całkam kampiensavaŭ naniesienuju kamunalnamu pradpryjemstvu škodu», — raskazała Šumiejka.
Adznačym, što Dźmitryj Birukoŭ, biespartyjny, byŭ abrany deputatam Mahiloŭskaha haradskoha savieta 27-ha sklikańnia ŭ 2014 hodzie. Jon u toj ža čas taksama bałatavaŭsia ŭ Mahiloŭski abłasny saviet, ale nie byŭ tudy abrany.
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary