Prezidentu Biełarusi ŭniesienyja prapanovy pa ŭparadkavańni kantrolnaj i nahladnaj dziejnaści ŭ krainie, paviedamiŭ u intervju prahramie «Kontury» telekanała ANT viečaram 12 červienia staršynia Kamiteta dziaržaŭnaha kantrolu Leanid Anfimaŭ.
«Jany padrychtavanyja. U ich utrymlivajecca šmat mier, nakiravanych na likvidacyju dublavańnia, skaračeńnia kolkaści pravierak, jakija siońnia ničym nie abhruntavanyja», — skazaŭ Anfimaŭ.
«Hetaja sistema budzie pryviedzienaja ŭ narmalny čałaviečy stan. Kantrolu i nahladu ŭ našaj krainie budzie nadadzieny čałaviečy tvar i čałaviečaje abličča», — paabiacaŭ jon.
U hutarcy na temu praźmiernych pravieračnych nahruzak na biznes kiraŭnik KDK adznačyŭ: «Va ŭsich skłałasia mierkavańnie, što Kamitet dziaržaŭnaha kantrolu samy strohi, złaviesny orhan, jaki zajmajecca kantrolnaj dziejnaściu ŭ krainie. Ale na nas zamykajecca ŭsiaho tolki 3—5% usich tych pravierak, što pravodziacca ŭ krainie, moža być, navat mienš».
Asnoŭnaja masa pravierak, pa słovach Anfimava, pravodzicca kantrolnymi i nahladnymi orhanami, jakija ŭvachodziać u skład inšych viedamstvaŭ.
«Tudy treba hladzieć, moža być, jany siońnia pieraškadžajuć narmalna pracavać i raźvivacca biznesu», — skazaŭ Leanid Anfimaŭ. I dadaŭ: «Byvaje, pieraškadžajuć».
«U nas siońnia ludzi zakonapasłuchmianyja. I, samaje hałoŭnaje, my vychavali ŭ ludziach pačućcio niaŭchilnaści pakarańnia», — zajaviŭ jon.
«Ludzi ŭsie viedajuć — kali jon papadziecca, i što za im, ja nie skažu, što ŭ nas užo tatalny kantrol i my tatalna sočym za kožnym čałaviekam, ale toj, chto siońnia zajmajecca biznesam, i praz mahčymaści finansavaj raźviedki ja mahu adsačyć, što tam dzieści ździejśnienaje niapravilnaje dziejańnie, jakoje miažuje i pierachodźcić ramki dazvolenaha, pierachodzić u razrad kryminalnaha ŭčynku, viadoma, niaŭchilnaść pakarańnia budzie stoadsotkavaj «, - zapeŭniŭ Anfimaŭ.
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary