Kiraŭnik dziaržavy Alaksandr Łukašenka abiacaje dalejšuju padtrymku raźvićciu fiermierstva ŭ Biełarusi.
Pra heta jon zajaviŭ siońnia ŭ čas rabočaj pajezdki ŭ Minskuju vobłaść.
U Łahojskim rajonie kiraŭnik Biełarusi naviedaŭ fiermierskuju haspadarku «Cnianskija ekapradukty», jakaja damahłasia vysokich vytvorčych vynikaŭ i aktyŭna raźvivajecca. Kiraŭnik dziaržavy adznačyŭ, što ŭ spravie adnaŭleńnia nierentabielnych abo nizkarentabielnych sielhaspradpryjemstvaŭ treba ŭ tym liku aryjentavacca na fiermieraŭ.
«U nas treć ci čverć haspadarak, ź jakimi vy (dziaržaŭnyja ŭłaśniki) nie spraŭlajeciesia. Nu dyk treba šyrej vykarystoŭvać fiermieraŭ. Ale heta nie pavinna być biazdumna. U dziaržavy zaŭsiody pavinna być žorstkaja paduška biaśpieki, — zajaviŭ Łukašenka. — U nas jość dobryja fiermiery, jakija siabie zarekamiendavali. Chočuć - addajcie lepš im. I nie śpiašajeciesia addavać zamiežnikam. A kali addajecie, to žalezabietonna pad ŭmovy. Siało u nas vychodzić na narmalny ŭzrovień raźvićcia. Ci nie straćcie kiravańnie ŭ sielskaj haspadarcy».
Pry hetym Alaksandr Łukašenka adznačyŭ, što z pryvatnikam časam navat praściej pracavać, čym ź dziaržaŭnym kiraŭnikom. «Ale treba bačyć efiektyŭnaść, charčovuju biaśpieku dziaržavy. Chiba b pryvatniki vyciahnuli siało 10 hadoŭ tamu, kali my stvarali prahramu?» — adznačyŭ biełaruski lidar.
Aceńvajučy dasiahnutyja ŭ fiermierskaj haspadarcy vyniki, Alaksandr Łukašenka padkreśliŭ vyklučnuju važnaść najaŭnaści piśmiennaha kiraŭnika, jaki moža naležnym čynam arhanizavać pracoŭny praces. Kiraŭnik krainy u suviazi z hetym patrabuje bolš aktyŭna vykarystoŭvać vopyt takich ludziej dla padrychtoŭki pierśpiektyŭnych kiraŭničych kadraŭ.
«Kali niama kiraŭnika — nikoli nie budzie haspadarki, - padkreśliŭ kiraŭnik dziaržavy. - Dajcie mnie sotniu revalucyjanieraŭ, i my pieravierniem Biełaruś. Jość narmalnyja ludzi, i im treba addavać ziamlu. Niachaj pracujuć».
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary