AAN zaklikaje baki siryjskaha kanfliktu terminova ŭziać paŭzu ŭ bajavych dziejańniach u rajonie siryjskaha horada Alepa z metaj praviadzieńnia humanitarnaj apieracyi.
Pra heta havorycca ŭ zajavie humanitarnaha kaardynatara AAN u Siryi Jakuba Chiełu i rehijanalnaha kaardynatara siryjskaha kryzisnaha centra Kievina Kenedzi, paviedamlajecca na sajcie arhanizacyi.
«Jak minimum AAN patrabuje paŭnavartasnaha pahadnieńnia ab spynieńni ahniu abo štotydniovyja 48-hadzinnyja humanitarnyja paŭzy, kab dabracca da miljonaŭ ludziej i papoŭnić charčovyja zapasy i miedykamienty, jakich krytyčna nie chapaje», — havorycca ŭ zajavie.
U joj taksama adznačajecca, što biez vady i śviatła ŭ Alepa zastajucca kala dvuch miljonaŭ čałaviek. Vady ŭ studniach i reziervuarach Alepa nie chapaje, kab zadavolić patreby nasielnictva, i kali nie adnavić vodazabieśpiačeńnie i linii elektrapieradač, nastupstvy mohuć być «žachlivymi», adznačajuć pradstaŭniki AAN.
Pastaŭki humanitarnych hruzaŭ u arhanizacyi prapanujuć naładzić z terytoryi Turcyi. Pry hetym u zajavie padkreślivajecca, što ŭsie baki pavinny harantavać biaśpieku hramadzianskaha nasielnictva i infrastruktury ŭ adpaviednaści z normami mižnarodnaha prava.
Humanitarnaja situacyja ŭ Alepa abmiarkoŭvałasia napiaredadni ŭ AAN na niefarmalnaj sustrečy z udziełam siabraŭ Savieta biaśpieki arhanizacyi. U aŭtorak Rada biaśpieki praviadzie z udziełam śpiecpasłańnika hienieralnaha sakratara AAN pa Siryi Stafana de Mistury naradu, na jakoj budzie ŭźniata pytańnie palityčnaha ŭrehulavańnia siryjskaha kanfliktu.
28 lipienia pra adkryćcio humanitarnych kalidoraŭ dla mirnych žycharoŭ i siryjskich bajevikoŭ, jakija chočuć skłaści zbroju, abviaścili ŭłady Rasii i Siryi. Heta adbyłosia na nastupny dzień paśla taho, jak siryjski ŭrad vysunuŭ ultymatum bajevikam, zaklikaŭšy ich zdacca.
Treciaha žniŭnia Minabarony Rasii raspaviało pra pieršyja vyniki pracy humanitarnaha kalidora. Pa źviestkach viedamstva, kala 400 mirnych žycharoŭ pakinuli rajony Alepa, bolš za 200 čałaviek atrymali kvalifikavanuju miedycynskuju dapamohu, 94 bajevika skłali zbroju.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary