Kiraŭnik Ruskaj pravasłaŭnaj carkvy patryjarch Maskoŭski i ŭsiaje Rusi Kirył naviedaje Vialikabrytaniju. Pačatak trochdzionnaha vizitu namiečany na 15 kastryčnika.
Jak paviedamiła pres-słužba patryjarcha, padčas vizitu mahčymaja jaho sustreča z kiraŭnikom Anhlikanskaj carkvy karalevaj Lizavietaj II.
U prahramu vizitu, pryśviečanaha 300-hodździu prysutnaści RPC na Brytanskich vyspach, uvachodziać taksama nabaženstva ŭ kafiedralnym sabory Uśpieńnia Najśviaciejšaj Baharodzicy ŭ Łondanie, naviedvańnie Karaleŭskaha hieahrafičnaha tavarystva i aficyjnaja sustreča z hałoŭnym śviatarom anhlikan archibiskupam Kienterbieryjskim Džaścinam Uełbi.
Raniej u intervju ahienctvu «Interfaks» kiraŭnik sinadalnaha adździeła źniešnich carkoŭnych suviaziaŭ mitrapalit Vałakałamski Iłaryjon paviedamiŭ, što padčas mierkavanaj sustrečy z karalevaj Vialikabrytanii Lizavietaj II patryjarch Kirył moža abmierkavać prablemy Blizkaha Uschodu.
«Možna skazać, što tema Blizkaha Uschodu budzie adnoj z centralnych, tamu što heta adna z tych haračych tem, jakija, na žal, nie sychodziać z paradku dnia. Situacyja na Blizkim Uschodzie nie mianiajecca da lepšaha. Kali kazać pra stanovišča chryścijan u hetym rehijonie, to jano zastajecca krytyčnym i trahičnym», — adznačyŭ mitrapalit Iłaryjon, padkreśliŭšy, što kankretnyja pytańni, jakija płanujecca abmierkavać na hetych sustrečach, zahadzia nie raskryvajucca.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Kamientary