Na 230-m ahulnavajskovym palihonie kiraŭniku Biełarusi byli prademanstravanyja dva novyja sučasnyja viertalota Mi-8MTV5 rasijskaj vytvorčaści, piša aficyjnaja hazieta Minabarony.
Adzin z novych viertalotaŭ pryznačany dla pošukava-ratavalnych rabot, druhi — transpartna-bajavy.

Usiaho Vajenna-pavietranyja siły krainy i vojski supraćpavietranaj abarony atrymajuć 12 takich viertalotaŭ. Biełaruś užo atrymała 6 Mi-8 MTV5.
Viertaloty vyrablaje rasijski Kazanski viertalotny zavod.
Kantrakt na pastaŭku 12 vajenna-transpartnych mašyn byŭ padpisany na mižnarodnym forumie «Armija-2015», jaki prachodziŭ u Padmaskoŭi ŭ minułym hodzie.
Viertalot maje sistemu abarony ad zienitna-rakietnych kompleksaŭ, moža nieści davoli mocnaje ŭzbrajeńnie: bomby masaj da 2-ch ton ci čatyry błoki niekiravanych aviacyjnych rakiet NAR S-8 ci avijacyjnyja harmaty.
Jak transpart mašyna biare na bort da 36 desantnikaŭ ci 12 paranienych razam ź miedycynskim piersanałam ci 4 tony hruzu ŭ kabinie ci na źniešniaj padviescy. Maksimalnaja chutkaść — da 250 km/h.
Mi-8 MTV5 maje sistemu načnoha bačańnia, sučasnuju sistemu navihacyi.
Ciapier čytajuć
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju
Kamientary