Za studzień—kastryčnik 2016 hoda nasielnictva Biełarusi pradało bankam najaŭnaj valuty ŭ ekvivalencie na 2 młrd 69 młn dalaraŭ bolš, čym nabyło, śviedčać danyja Nacyjanalnaha banka, paviedamlaje BiełaPAN.
Za 10 miesiacaŭ nasielnictva kupiła na najaŭnym valutnym rynku 3 młrd 584 młn dalaraŭ, a pradało — 5 młrd 653 młn dalaraŭ.
Z ulikam bieznajaŭnych apieracyj kupli-prodažu valuty nasielnictva ŭ studzieni—kastryčniku pradało bolš za 6 młrd 362 młn dalaraŭ, a kupiła — 4 młrd 726 młn dalaraŭ. Heta značyć, z ulikam bieznajaŭnaha handlu nasielnictva pradało na 1 młrd 636 młn dalaraŭ bolš, čym kupiła.
Takim čynam, nasielnictva Biełarusi pa-raniejšamu praciahvaje pradavać zamiežnaj valuty značna bolš, čym kuplać. Takaja tendencyja nazirajecca ź viasny hetaha hoda. Ekanamisty tłumačać heta imknieńniem ludziej padtrymlivać dakryzisny ŭzrovień žyćcia.
Śpiecyjalisty Nacyjanalnaha banka raniej anałahičnym čynam tłumačyli hatoŭnaść nasielnictva pradavać na valutnym rynku bolš srodkaŭ, čym kuplać.
Pavodle acenak finansavych analitykaŭ, prapanova valuty z boku nasielnictva pastupova budzie źmianšacca. Źnižeńnie dachodaŭ nasielnictva budzie pryvodzić jak da skaračeńnia popytu na zamiežnuju valutu, tak i da pamianšeńnia jaje prapanovy.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja19
Kamientary