Ministr zamiežnych spraŭ Rasijskaj Fiederacyi Siarhiej Łaŭroŭ nachamiŭ apierataru mižnarodnaha ahienctva Reuters u čas pratakolnaj sustrečy na palach ministerskaha pasiadžeńnia ABSIE, paviedamlaje «Jeŭrapiejskaja praŭda».
Incydent adbyŭsia pierad dvuchbakovymi pieramovami Łaŭrova i jaho niamieckaha kalehi Franka-Valtera Štajnmajera 9 śniežnia.
Paśla pratakolnaj častki dypłamaty zvyčajna «dziakujuć presie», sihnalizujučy ab zakančeńni zdymki, ale ŭ hety raz adzin z apierataraŭ zatrymaŭsia na niekalki siekund, kab adzdymać, jak ministry prachodziać mima kamier.
Heta čamuści aburyła šefa rasijskaj dypłamatyi, i jon asabista padyšoŭ da pradstaŭnikoŭ ŚMI i źviarnuŭsia da ich pa-anhlijsku: «Čaho vy chočacie?» («What do you want?)
Paśla hetaha Łaŭroŭ pierajšoŭ na ruskuju i, pahladzieŭšy na pradstaŭnikoŭ ŚMI, dadaŭ: «Debiły…»
Hety incydent byŭ źniaty na kamiery i ŭžo mocna aburyŭ niamieckija ŚMI, što aśviatlajuć chod samitu.
Jak viadoma, kiraŭnik MZS RF užo nie ŭpieršyniu adznačajecca niedypłamatyčnymi vykazvańniami na publicy.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha

Kamientary