U Minsku i Minskaj vobłaści čeki «Majomaść» možna budzie abmianiać na akcyi jašče 14 AAT

Z 10 studzienia 2017 hoda dla abmienu na imiannyja pryvatyzacyjnyja čeki «Majomaść» u Minsku i Minskaj vobłaści Dziaržkammajomaściu buduć dadatkova nakiravany akcyi 14 adkrytych akcyjaniernych tavarystvaŭ z dolaj dziaržavy, paviedamiła pres-słužba viedamstva.

Takim čynam dziaržava zabiaśpiečvaje vykanańnie harantyi na prava ŭładalnikaŭ imiannych pryvatyzacyjnych čekaŭ biazvypłatna atrymać častku dziaržaŭnaj majomaści, adznačyli ŭ Dziaržkammajomaści.

Tak, da abmienu na čeki «Majomaść» dadatkova buduć prapanavanyja akcyi nastupnych AAT z dolaj dziaržavy: «Śmiłavickaja valušna-lamcavaja fabryka» — 169.272 akcyi; «Barysaŭski špałaprapitačny zavod» — 198.000 akcyj; «Darbudmantažtrest» — 198.000; «Minski vahonaramontny zavod» — 198.000; «Radaškovicki kieramičny zavod» — 50.000; «Śpiecramont» — 198.000; «Budtrest № 21» — 167.711; «Upraŭleńnie miechanizacyi № 12» — 144.019; «Upraŭleńnie miechanizacyi № 91» — 99.000; «Pramsuviaź» — 198.000; «Biełzaavietzabiaśpiečpram» — 198.000; «Kaladzičyahramaš» — 112.383 akcyi; «Minskahratrans» — 198.000 akcyj; «Barysaŭski aŭtaramontny zavod» — 51.858 akcyj.

Dla abmienu čekaŭ «Majomaść» na akcyi adkrytych akcyjaniernych tavarystvaŭ hramadzianie pavinny źviartacca va ŭstanovu AAT «ASB Biełarusbank» pa miescy žycharstva (pry sabie nieabchodna mieć pašpart i siertyfikat čekaŭ).

Abmienu naležać čeki «Majomaść» asabista naličanyja, atrymanyja ŭ spadčynu, a taksama atrymanyja pa dahavorach dareńnia ad blizkich svajakoŭ (baćkoŭ, dziaciej, muža i žonki, rodnych bratoŭ i siaścior, unukaŭ, babul, dziadul, śviekryvi, śviokra, cieścia i cieščy), padoranyja čeki pavinny być pieraličanyja na siertyfikat hramadzianina, jaki robić abmien.

Abmianiać na akcyi adkrytych akcyjaniernych tavarystvaŭ možna nie bolš za 250 padoranych čekaŭ «Majomaść».

Śpisy adkrytych akcyjaniernych tavarystvaŭ, akcyi jakich prapanoŭvajucca da abmienu na čeki «Majomaść», znachodziacca ŭ kožnym padraździaleńni AAT «ASB Biełarusbank».

Jak paviedamlaje myfin.by, na rukach u hramadzian zastalisia nierealizavanymi kala 40% IPČ «Majomaść». Zhodna z zakanadaŭstvam jany padlahajuć kampiensacyi dziaržavaj paśla zakančeńnia čekavaj pryvatyzacyi pa naminalnym košcie 4.400 niedenaminavanych rubloŭ (zhodna z pastanovaj Saŭmina № 756 ad 6 lipienia 2005 hoda), što składaje ŭ ahulnaj kolkaści kala 800 młrd rubloŭ. Termin abaračeńnia čekaŭ «Majomaść» u čarhovy raz praciahnuty da 30 červienia 2019 hoda.

• 0
• 0
• 0
• 0
• 0
• 0
• 0
• 0